2 Ruodhi 6:5 - MUMA MALER 2015

⁵ To kane oyudo ng’at moro tong’o yien, wi leye nolwar e pi, mi noywak kowacho niya, “Ruoth, hapa rach, nikech en le ma aholo.”

Motingʼo Loko Manyien

⁵ To kane achiel kuomgi ne tongʼo yien, leye nolwar e pi. Noywak niya, “Yaye ruodha, korka ne en le mokwa!”

2 Ruodhi 6:5 ပူးပေါင်းရင်းမြစ်များ

2 Ruodhi 3:10

Eka ruodh Israel noywak, kawacho niya, “Yaye, wan ruodhi adekgi, hapwa rach, nikech Ruoth Nyasaye osekelowa ka mondo oketwa e lwet jo-Moab!”

2 Ruodhi 4:7

Eka dhakono nodhi, monyiso ng’at Nyasaye gima osetimore. Elisha nodwoke niya, “Dhiyo, ihon morno, ichulgo gopeni, to modong’, ukonyrugo gi yawuoti.”

2 Ruodhi 6:15

Ka ne ng’at Nyasaye ochiew gokinyi, nowuok oko, moneno oganda lweny man gi farese kod geche kolworo dala. Jatichne nowach niya, “Ruodha, wadiwo! Ti wanatim ang’o?”

2 Ruodhi 6:4

modhi kodgi. Kane gichopo e aora Jordan, ne gichako tong’o yien.

2 Ruodhi 6:6

Ng’at Nyasaye nopenje niya, “Olwar gi kanye?” Kane jalo onyise, Elisha nong’ado luth, mobolo kanyono, mi le nolewore.

Zaburi 37:21

Ng’at ma timbene richo holo, to ok chul gima oholo. Ng’at maber to ng’won, kendo konyo ji.

Eklesiastes 10:10

Ka ng’ato tong’o gi le modik, ma ok opiago, to nyaka oti kode gi muya, eka otong’ gimoro. Kuom mano, ber chano gik moko mokwongo ka pok itimo.

Isaya 10:34

Ee, Nyasaye Maratego biro goyo jo-Asuria piny, mana ka ng’at ma tong’o yiend Lebanon.

Fweny 18:10

Ginichung’ gi kuma bor, ka kihondko omakogi nikech sandruok moyudo, kendo giniwach niya, “Yaye! Mano kaka dala maduong’ neno malit! Yaye! In Babulon, dala man gi teko, osetieki mana e sa achiel kende!”

Fweny 18:16

“Yaye! Mano gima lit manade ma osetimore ni dala maduong’ni! Ne orwakore gi nanga maber, gi maratiglo gi makwar, kendo nolichore gi dhahabu gi kite ma nengogi tek kod lulu.

Fweny 18:19

Ne gibuko wigi buru ka giywak kendo gidengo niya, “Yaye! Mano gima lit manade mosetimore ni dala maduong’ni! En dala ma ji duto mane nigi yiedhi odokoe joma omew nikech mwandune mathoth. To osekethe mana kuom sa achiel kende, mi odoko gunda!