2 Ruodhi 6:32 - MUMA MALER 2015

³² Noyudo ka Elisha obet ewi ode kaachiel gi jodongo. Ruoth nooro jaote ire, to kane pok jaoteno ochopo, Elisha nowacho ni jodongo niya, “Uneno kaka ng’at ma janekno oro ng’ato mondo obi ong’ad wiya oko? Ka jaoteneno ochopo ka, to ulor dhoot matek, nikech ruodhe luwo bang’e machiegni.”

Motingʼo Loko Manyien

³² Koro noyudo Elisha obet e ode ka en gi jodonge. Ruoth nooro jootene motelo e nyime, to kane pok ochopo, Elisha nowachone jodonge niya, “Donge uneno ka koro janekni oro ngʼato mondo obi onega? Winjuru, ka jaote ochopo, to ulor dhoot matek ma kik odonji, nimar ruodhe luwo bangʼe machiegni.”

2 Ruodhi 6:32 ပူးပေါင်းရင်းမြစ်များ

1 Ruodhi 14:6

To kane Ahija owinjo tiende e dhoot, nowacho niya, “Donji chi Jeroboam; ang’o momiyo iriasori ni in ng’at moro nono? An gi wach marach monego anyisi.

1 Ruodhi 18:4

kendo kane Jezebel nego jonabi mag Ruoth Nyasaye, to nopando jonabi mia achiel kuomgi. Piero abich nopando e rogo achiel, to piero abich opando e rogo machielo, momiyogi chiemo gi pi bende.)

1 Ruodhi 21:10

Eka uket ji ariyo macheje obed momanyore kode mondo odonjne, ka giwacho ni oseyanyo Nyasaye kod ruoth bende. Eka ugole oko, ugoye gi kite nyaka otho.”

1 Ruodhi 21:13

Ji ariyo macheje nodonjo, mobet momanyore kode. Eka ne gidonjo ni Naboth e nyim ji duto, ka giwacho niya, “Naboth noyanyo Nyasaye kod ruoth bende.” Omiyo ji nogole oko, kendo ne gigoye gi kite nyaka otho.

1 Ruodhi 21:19

To wachne ni Ruoth Nyasaye owacho kama: ‘Kara iseneko kendo yeko?’ Eka imed nyise ni Ruoth Nyasaye owacho niya, ‘Kama nyocha guogi onang’oe remb Naboth, ema nonang’ie mari bende!’ ”

2 Ruodhi 5:26

Elisha nokone niya, “Donge chunya nodhi kodi, kane ng’at cha lor a e gache, duogo romoni? Iparo ni ma e kinde mar kawo fedha, gi lewni, gi puothe mzabibu, gi rombe, gi dhok, kod jotich machwo gi mamon koso?

2 Ruodhi 6:12

Achiel kuom joge nodwoke niya, “Ruoth, onge ng’atwa moro amora, to mak mana Elisha janabi ema nyiso ruodhgi gik miwacho kata ka in e odi mar nindo.”

2 Ruodhi 7:17

Ruoth noketo jaduong’ lweny ma nyagache cha mondo obed jatend jorit rangach, to ji nonyone piny e dhorangach, motho, mana kaka ng’at Nyasaye nowacho, chieng’ mane ruoth obiro ire.

Jeremia 11:18

Ruoth Nyasaye nonyisa gik maricho mane wasika dwaro timona.

Jeremia 32:3

Ruoth Zedekia notueye kanyo nikech noyudo osekoro wach niya, “Ruoth Nyasaye osewacho ni obiro chiwo Jerusalem e lwet ruodh Babulon, mi kaw,

Ezekiel 14:1

Jodong Israel moko nobiro ira mondo openja wach Ruoth Nyasaye.

Ezekiel 20:1

Chieng’ due apar, due mar abich, e higa mar abiriyo, jodong’ Israel moko nobiro ira mondo openj Ruoth Nyasaye wach. Kane oyudo gibet e nyima,

Ezekiel 33:31

Kuom mano joga chokore mondo owinj gima iwacho, to kata obedo ni iwachonigi gima onego gitim, to ok gitim. Miriambo ema gihero kendo pesa ema giketoe chunygi.

Ezekiel 8:1

Chieng’ due abich, due mar auchiel, e higa mar auchiel koseterwa e tuech, ne oyudo abet e oda gi jodong Juda kapenjo Nyasaye wach. Ne apo ka teko mar Ruoth Nyasaye obiro kuoma.

Luka 13:32

To nowachonigi niya, “Dhiuru unyis andhogano ni, agolo jochiende kendo achango ji kawuono gi kiny, to chieng’ mar adek abiro tieko tija.