2 Ruodhi 6:31 - MUMA MALER 2015

³¹ Nowacho niya, “Nyasaye mondo okweda ka ok ang’ado wi Elisha wuod Shafat oko kawuono!”

Motingʼo Loko Manyien

³¹ Nowacho niya, “Mad Nyasaye chwada malit ka dipo kawuono ok angʼado wi Elisha wuod Shafat oko!”

2 Ruodhi 6:31 ပူးပေါင်းရင်းမြစ်များ

2 Samuel 19:13

Wachuru ni Amasa bende ni, ‘Donge ing’eyo ni in kod an wan remo achiel? Nyasaye mondo okweda ka ok aketi jatend jolweny kar Joab.’ ”

2 Samuel 3:35

Ne gihoyo Daudi mondo ochiem, to piny ne pod odiechieng’, omiyo Daudi nokuong’ore, kawacho niya, “Nyasaye mondo okweda, kapo ni achiemo, kata abilo gimoro ka pok chieng’ opodho.”

2 Samuel 3:9

Nyasaye mondo okweda ka ok atimo ni Daudi kaka Ruoth Nyasaye nosingorene,

1 Ruodhi 18:17

Kane Ahab oneno Elija, nowachone niya, “Kara mana in, jasand jo-Israel!”

1 Ruodhi 19:2

Mi Jezebel nooro jaote ir Elija, kowacho niya, “Ka kiny ochopo sa makama, ka pok anegi kaka isenego jonabigo, to nyiseche mondo onega!”

1 Ruodhi 2:23

Bang’ mano, ruoth Solomon nokuong’ore gi nying Ruoth Nyasaye kowacho niya, “Nyasaye mondo okweda ka Adonija ok otho nikech wachni!

1 Ruodhi 20:10

Ben-hadad noorone wach kendo niya, “Nyiseche mondo okweda ka ok aduwo Samaria ma kata mana buru modong’ie ok nyal romo joga duto jowo!”

1 Ruodhi 22:8

Ruodh Israel nodwoke ni, “Ee, ng’at achiel pod odong’ ma dipenjnwa Ruoth Nyasaye wach, en Mikaya wuod Imla.” To Jehoshafat nowachone ni, “Kik iwuo kamano.”

2 Ruodhi 5:20

Gehazi ma jatich Elisha ng’at Nyasaye, noparo niya, “Ruodha oseweyo Naaman ma ja-Aram odhi mak okawo mich ma nokelo. Gi nying Ruoth Nyasaye, abiro lawe mondo ayudie gimoro kuome.”

Ngeche 16:14

Pile ng’at mariek dwaro ni mondo ruoth obed mamor, nimar kokecho, to mirimbe nyalo kelo ni ng’ato tho.

Jeremia 38:4

Kane jodongogo owinjo wechego, ne ginyiso ruoth niya, “Ng’atni nyaka negi, nikech kowuoyo kama, to onyoso chuny jolweny kaachiel gi jomoko duto modong’ e dala ka. Emomiyo waneno ni ng’atni ok dwar konyo ji, to odwaro mana ni mondo giyud chandruok.”

Johana 11:50

Donge ber ka ng’at achiel otho, moloyo ka ogandawa duto orumo?”

Ruth 1:17

Kama nithoe ema nathoe, kendo kanyo ema noyikae. Ruoth Nyasaye mondo okweda ka wach moro opoga kodi, kata da obed mana tho.”

1 Samuel 14:44

Saulo nowacho niya, “Nyasaye mondo okweda ka ok itho. Jonathan, in nyaka itho!”

1 Samuel 25:22

Nyasaye mondo okweda ka aweyo kata ng’at achiel madichwo kuom joge kangima kawuononi!”

1 Samuel 3:17

Eli nopenje niya, “Wach ang’o ma Ruoth Nyasaye onyisi? Asayi, kik ipandago. Nyasaye mondo okwedi kipanda wach moro kuom weche duto ma nowachoni.”