2 Ruodhi 6:29 - MUMA MALER 2015

²⁹ Omiyo ne watedo wuoda, mwachamo. To kinyne kane awachone ni mondo ochiw wuode wacham, to nayudo kosepande.”

Motingʼo Loko Manyien

²⁹ Omiyo ne watedo wuoda kendo wachamo. Kinyne ne awachone niya, In bende gol wuodi mi wacham, kare en to nosepando wuode.

2 Ruodhi 6:29 ပူးပေါင်းရင်းမြစ်များ

1 Ruodhi 3:26

To dhako mane nyathine ngima nohero wuode ahinya, omiyo nosayo ruoth, kowacho niya, “Yaye ruoth, mi dhani nyathi mangima, to kik inege ngang’!” To dhako machielo nowacho ni, “Ok enobed mara kata mari. Poge apoga!”

Isaya 49:15

To wi dhako bende diwil gi nyathi mane odhodho? Koso wiye diwil adier gi wuode mane onywolo? Kata ka obedo ni wiye nyalo wil, an to wiya ok diwil kodi.

Isaya 66:13

Kaka min nyathi hoyo nyathine, e kaka an bende abiro hoyou, mi uyud kue e Jerusalem.

Ywagruok 4:10

Mon mang’won notedo nyithindgi giwegi. Adier, nyithindgi nolokore chiembgi e ndalo mane masira omakoe joga.

Tim jo-Lawi 26:27

“To ka bang’ mago duto, pod udagi winja, kendo usiko kupiem koda,

Tim jo-Lawi 26:29

Kar chamo ring’o, to unucham mana yawuotu gi nyiu.

Rapar mar Chik 28:52

Ginilwor mier duto ma Ruoth Nyasaye nomiu mondo gikau, nyaka gimuk ohinga maboyo kendo motegno muparo ni dugeng’rugo.

Rapar mar Chik 28:53

Wasikugo nokelnu chandruok malich ahinya, e ndalo ma giluoro e miechu, mi unucham kata mana nyithindu uwegi ma Ruoth Nyasaye ma Nyasachu omiyou.

Rapar mar Chik 28:57

mi notamre pogonigi bieche kata mana nyathi mosenywolo, nikech chandruok malich ma wasigu biro kelone e ndalo ma giluoroe miechu duto.