2 Ruodhi 6:26 - MUMA MALER 2015

²⁶ Chieng’ moro kane ruodh Israel oyudo wuotho ewi ohinga mar dala, dhako moro noywakne kawacho niya, “Yaye ruoth, konya!”

Motingʼo Loko Manyien

²⁶ Kane ruodh Israel kalo machiegni gi ohinga mar dala maduongʼno, dhako moro noywak malit kawacho niya, “Konya, ruodha!”

2 Ruodhi 6:26 ပူးပေါင်းရင်းမြစ်များ

Chakruok 41:55

Kamano ka ne kech omako piny Misri duto, jopiny noywak ni Farao mondo omigi chiemo. To nowachonigi niya, “Dhiuru ir Josef, kendo utim kaka owachonu.”

2 Samuel 14:4

Kane chi Tekoano obiro ir ruoth, nogoyo chonge piny, nyaka e lowo, komiye duong’ mowacho niya, “Ruoth, konya.”

2 Ruodhi 6:25

Ne gilwore aming’a, nyaka kech maduong’ nomako jo-Samaria. Wi kanyna ning’iewo gi fedha moromo kilo achiel, to ondong’ mar owuoch akuru ning’iewo gi fedha moromo achiel kuom piero ariyo mar kilo.

2 Ruodhi 6:27

Ruoth nodwoke niya, “Ka Ruoth Nyasaye ok konyi, an to dakonyi nadi? Dakonyi gi cham, koso gi divai?”

Isaya 10:3

To unutim ang’o chieng’ mikumou, ka masira moa kuma bor omakou? Ere ng’ama nuring ire mondo okonyu? Koso ere kama un uweye nyithindu

Luka 18:3

To chi liel moro ma bende nodak e dalano ne osiko biro ire pile, kakwaye ni, ‘Yie ing’adna bura e kinda gi jal ma an-go gi wach.’

Tich Joote 21:28

ka gikok niya, “Jo-Israel, konywauru! Ma eri e ng’at mawuotho kuonde duto kapuonjo ji duto mondo obed mamon gi ogandawa mar jo-Israel, gi Chik Musa, kod Hekaluni. To koro sani osekelo koda ka joma ok jo-Yahudi e Hekalu, mi odwanyo Kama Lerni!”