2 Ruodhi 6:25 - MUMA MALER 2015

²⁵ Ne gilwore aming’a, nyaka kech maduong’ nomako jo-Samaria. Wi kanyna ning’iewo gi fedha moromo kilo achiel, to ondong’ mar owuoch akuru ning’iewo gi fedha moromo achiel kuom piero ariyo mar kilo.

Motingʼo Loko Manyien

²⁵ Negilworo dalano amingʼa ma kech maduongʼ mane omako Samaria nomedore ma wi punda ne ingʼiewo gi fedha ma pekne romo kilo achiel, to ondongʼ mar owuoch akuru ningʼiewo gi fedha ma pekne romo achiel kuom apar mar kilo.

2 Ruodhi 6:25 ပူးပေါင်းရင်းမြစ်များ

Chakruok 41:55

Kamano ka ne kech omako piny Misri duto, jopiny noywak ni Farao mondo omigi chiemo. To nowachonigi niya, “Dhiuru ir Josef, kendo utim kaka owachonu.”

1 Ruodhi 18:2

Omiyo Elija nowuok mondo Ahab onene. Ndalogo kech ne duong’ e Samaria,

2 Ruodhi 25:3

Koro kech ne lich e dalano, kendo ji ne onge gi chiemo chuth.

2 Ruodhi 6:26

Chieng’ moro kane ruodh Israel oyudo wuotho ewi ohinga mar dala, dhako moro noywakne kawacho niya, “Yaye ruoth, konya!”

2 Ruodhi 7:12

Ruoth nochiew gotieno, mowacho ni jodonge mag lweny niya, “Winjuru gima jo-Aram dwaro timonwa. Ging’eyo ni wadenyo, omiyo gisewuok e kambigi, to gipondo mana e bungu, ka giparo ni gibiro makowa kwawuok, eka gidonj e dalawa ka.”

2 Ruodhi 7:4

Kwadonjo e dala, to kech ni kuno, wabiro tho. Kata kwamedo bet ka, pod wabiro mana tho. Ber wadog ni jo-Aram. Ka ging’wononwa, to wanabed mangima. To kata ka gidagi, bende watho.”

Jeremia 14:18

Ka awuok oko e pap, to aneno ringre joma onegi e lweny, to ka adonjo e dala moro, to aneno joma kech nego. Jonabi gi jodolo dhi nyime gi tijegi, to chutho ok ging’eyo gima gitimo.’ ”

Jeremia 32:24

“Jo-Babulon osedhuro lowo pidhe pidhe e alwora mar dala, kendo gimonje mondo gikawe. Lweny gi kech kod tuo biro miyo gikawe. A Ruoth Nyasaye, ineno kaka gigo mane iwacho timore.

Jeremia 52:6

Koro kech ne lich e dalano, kendo ji ne onge gi chiemo chuth. Chieng due ochiko due mar ang’wen,

Ezekiel 4:17

Kamano ginichand chiemo gi pi, mi giwuor, ka ng’ato ka ng’ato ng’iyo wadgi, kendo dendgi nodhi adhiya nikech richogi.”

Tim jo-Lawi 26:26

Anami chiembu doko manok, mi agulu achiel norom mon apar tedoe. Ginipimnu chiemo mana e rapim, kendo kata kuchiemo, to ok unuyieng’ ngang’.