2 Ruodhi 6:17 - MUMA MALER 2015

¹⁷ Eka Elisha nokwayo Ruoth Nyasaye niya, “Asayi, yaw wang’ jali mondo onen.” Ruoth Nyasaye noyawo wang’ wuowino, mi noneno ka got opong’ gi farese kod geche mag mach, ka rito Elisha.

Motingʼo Loko Manyien

¹⁷ Kendo Elisha nolemo niya, “Jehova Nyasaye, yaw wangʼe mondo onen.” Eka Jehova Nyasaye noyawo wangʼ jatijno, kendo noneno farese kod geche lweny ewi got kolworo Elisha.

2 Ruodhi 6:17 ပူးပေါင်းရင်းမြစ်များ

Chakruok 21:19

Eka Nyasaye noyawo wang’ Hagar, mi Hagar noneno soko moro. Nodhi motuomo pi e puke, momiyo nyathi omodho.

Chakruok 32:1

Jakobo to nodhi nyime gi wuodhe, kendo nopo ka malaika mag Nyasaye oromo kode.

Chakruok 32:2

Kane onenogi, nowacho niya, “Ma en oganda mar Nyasaye!” Mi nochako kanyo ni Mahanaim (tiende ni, ogendini ariyo).

Chakruok 32:3

Jakobo nooro joote mondo otel nyime ir Esau owadgi mane nie gweng’ Seir, e piny Edom.

2 Ruodhi 2:11

To kane pod giwuotho, kendo giwuoyo, gari mar mach gi farese mag mach nobiro, mopogogi, kendo Elija noidho gi kalausi nyaka e polo.

Zaburi 104:3

mi igero dalani e pige man malo. Boche polo ema iidho ka gachi mar lweny,

Zaburi 104:4

Ioro yamo ka jooteni, kendo mil polo ema iketo jotichni.

Zaburi 119:18

Yaw wang’a mondo ane weche miwuoro manie chikni.

Zaburi 125:2

Kaka gode olworo Jerusalem, e kaka Ruoth Nyasaye bende olworo joge, pile kendo nyaka chieng’.

Zaburi 34:7

Malaika mar Ruoth Nyasaye rito joma oluoro Ruoth Nyasaye kendo resogi.

Zaburi 68:17

Kane Ruoth Nyasaye owuok Sinai kadhi e Hekalu mare, ne en gi geche lweny madongo gana gi gana.

Zaburi 91:11

Nyasaye biro keto malaikane mondo oriti, kendo okonyi kamoro amora midhiye.

Zaburi 91:15

Ka giywakna, to nadwokgi, kendo ka gin e chandruok, to anabed kodgi. Anaresgi, kendo anami gibed joma oluor.

Isaya 42:7

mondo iyaw wenge muofni kendo igol joma otue e mudho kuma gidakie.

Daniel 10:7

An Daniel kenda ema ne aneno fwenyno, to ji mamoko mane wan go ne ok oneno gimoro. Kata kamano ne gibwok ahinya, mi giringo gipondo.

Zekaria 1:8

Nende aneno fweny gotieno ni ng’ato oidho faras masilwal, kochung’ e kind yien e holo moro. To kadieng’eye ne nitie farese ma silwende gi marabuore kod marachere.

Kwan 22:31

Eka Ruoth Nyasaye noyawo wang’ Balaam moneno malaika mar Ruoth Nyasaye kochung’ e yo gi ligangla. Nokulore, mopodho piny auma e nyim malaika.

Mathayo 26:53

Uparo ni ok anyal kwayo Wuora, mi oorna piyopiyo malaika mang’eny moloyo ogend lweny apar gariyo?

Tich Joote 26:18

Iniyaw wang’gi, mi igolgi gia e mudho gidhi e ler, kendo gia e teko Satan, gidhi ir Nyasaye, mondo ka giyie kuoma to owenigi richogi, kendo gibed kaachiel gi joma Nyasaye oseyiero obed joge.’

Jo-Efeso 1:18

Akwayo ni chunyu oyawre mondo ung’e gima ugeno moseluongoue kendo ung’e kaka guethne mosesingore ni nomi joge ogundho,

Jo-Hibrania 1:14

Kamano waneno ni malaika gin mana roho matiyo ni Nyasaye. Nyasaye orogi mondo gikony joma biro yudo warruok.

Fweny 19:11

Eka ne aneno polo ka oyawore, kendo ne aneno faras marachar ka ni kanyo, to Jal mane oidhe iluongo ni Ng’ama Igeno, kendo Jaadiera. Iluonge kamano nikech ong’ado bura kare, kendo okedo e yo makare.

Fweny 19:14

Ogend lweny mag polo ne luwo bang’e koidho farese marachere, kendo korwakore gi lewni mabeyo kendo maler.

Fweny 3:7

“Ndik ni malaika mar kanyakla mar jo-Kristo man Filadelfia niya, ‘Magi e weche Jal maler kendo maradier, man gi rayaw mar Daudi. Ka oyawo gimoro, to onge ng’ama nyalo loro, kendo ka oloro gimoro, to onge ng’ama nyalo yawo. Owacho niya,