2 Ruodhi 6:16 - MUMA MALER 2015

¹⁶ Nodwoke niya, “Kik iluor, nimar jowa ng’eny moloyogi.”

Motingʼo Loko Manyien

¹⁶ Janabi nodwoke niya, “Kik ubed maluor, nimar joma ni kodwa ngʼeny moloyo joma ni kodgi.”

2 Ruodhi 6:16 ပူးပေါင်းရင်းမြစ်များ

Chakruok 32:1

Jakobo to nodhi nyime gi wuodhe, kendo nopo ka malaika mag Nyasaye oromo kode.

2 Ruodhi 6:15

Ka ne ng’at Nyasaye ochiew gokinyi, nowuok oko, moneno oganda lweny man gi farese kod geche kolworo dala. Jatichne nowach niya, “Ruodha, wadiwo! Ti wanatim ang’o?”

2 Weche mag Ndalo 16:9

nikech wang’ Ruoth Nyasaye ng’iyo piny duto koni gi koni mondo onyis tekone mokonyogo joma chunygi odimbore e nyime. Nitimo gima ofuwo kuom wachni, omiyo chakre kawuono ibiro bedo gi lwenje.”

Zaburi 11:1

Ageno kuom Ruoth Nyasaye moseresa. En fuwo manade ka uwachona ni mondo ahu gi bwombena ka winyo, adhi e gode,

Zaburi 27:3

Kata ka oganda lweny maduong’ ema obiro mondo omonja, to ok dabed maluor, kendo kata ka an e lweny mager, to pod ageno mana kuom Nyasaye.

Zaburi 3:6

Ok aluoro wasigu gana gi gana molwora koni gi koni.

Zaburi 46:11

Ruoth Nyasaye Manyalo Gik Moko Duto ni kodwa. Adier, Nyasach Jakobo e kar konyruokwa!

Zaburi 46:7

Ruoth Nyasaye Manyalo Gik Moko Duto ni kodwa. Adier, Nyasach Jakobo e kar konyruokwa!

Zaburi 55:18

Kata obedo ni wasika thoth kamano, to Nyasaye biro dwoga kangima kaa e lweny ma akedoe kodgi.

Wuok 14:13

Musa nodwokogi niya, “Kik uluor! Chung’uru motegno mondo une kaka Ruoth Nyasaye biro resou kawuono, nimar jo-Misri munenogi, ok unune kendo.

Isaya 8:10

Kata dabed ni uchano gik ma udwaro timo, to gik ma uchanogo nokethre. Adier, kata dabed ni ugolo chik mondo otimgi, to ok ginitimre, nikech Nyasaye ni kodwa.

Jeremia 39:17

To an Ruoth Nyasaye anakonyi, kendo ok noketi e lwet joma iluorogo.

Mathayo 26:53

Uparo ni ok anyal kwayo Wuora, mi oorna piyopiyo malaika mang’eny moloyo ogend lweny apar gariyo?

Mariko 16:6

To wuowino nowachonigi ni, “Kik ubwogi. Ang’eyo ni udwaro Yesu ja-Nazareth manyocha ogur e msalaba. To osechier, oonge ka. Neuru! Kaeri e kama nyocha giketee.

Jo-Rumi 8:31

To koro dwawach ang’o kuom wechego duto? Ka Nyasaye ni kodwa, to ere gima dwaluor, kata ka ng’ato obedo jasikwa?

Jo-Filipi 1:28

Kik uluor wasiku, to pile beduru gi chir, nikech mano biro nyisogi ni gin ginilal, to un noresu, nikech Nyasaye owuon ema biro nyisogi kamano!

Joshua 11:6

Ruoth Nyasaye nowacho ni Joshua niya, “Kik iluorgi, nimar kiny sa makama nachiwgi e lwet jo-Israel, kendo giduto ginitho, mi ning’ad odond faresegi kendo niwang’ gechegi.”

1 Johana 4:4

Nyithinda, un nyithind Nyasaye, kendo useloyo johul wach mag miriambogo, nikech Jal manie iu duong’ moloyo jal manie piny.