2 Ruodhi 6:15 - MUMA MALER 2015

¹⁵ Ka ne ng’at Nyasaye ochiew gokinyi, nowuok oko, moneno oganda lweny man gi farese kod geche kolworo dala. Jatichne nowach niya, “Ruodha, wadiwo! Ti wanatim ang’o?”

Motingʼo Loko Manyien

¹⁵ Kane jatich ngʼat Nyasaye ochiewo mo mondo kiny gokinyi, jolweny man-gi farese kod geche lweny ne oseluoro dala maduongʼno. Jatich nopenjo niya, “Yaye, ruodha, wabiro timore nade?”

2 Ruodhi 6:15 ပူးပေါင်းရင်းမြစ်များ

1 Ruodhi 19:21

Mi Elisha noweyo lawe, modok okawo dhok ariyogo. Noyang’ogi motedogi gi yiend kwer, mi nomiyo joge mondo ocham. Eka nowuok moluwo Elija, kendo nodoko jatichne.

2 Ruodhi 3:11

To Jehoshafat nopenjo niya, “Bende nitie janabi mar Ruoth Nyasaye ka, manyalo penjonwa Ruoth Nyasaye wach?” Achiel kuom jotich ruodh nodwoke niya, “Elisha wuod Shafat, mane tiyo ni Elija, ni ka.”

2 Ruodhi 5:20

Gehazi ma jatich Elisha ng’at Nyasaye, noparo niya, “Ruodha oseweyo Naaman ma ja-Aram odhi mak okawo mich ma nokelo. Gi nying Ruoth Nyasaye, abiro lawe mondo ayudie gimoro kuome.”

2 Ruodhi 5:27

Omiyo koro dhoho mar Naaman biro maki, kaachiel gi nyikwayi nyaka chieng’” Mi Gehazii noa kanyo kosedoko radhoho, ma dende rachar ka pe.

2 Ruodhi 6:14

Omiyo nooro farese gi geche kod oganda lweny maduong’. Ne gichopo kuno gotieno, mi gilworo dalano.

2 Ruodhi 6:16

Nodwoke niya, “Kik iluor, nimar jowa ng’eny moloyogi.”

2 Ruodhi 6:5

To kane oyudo ng’at moro tong’o yien, wi leye nolwar e pi, mi noywak kowacho niya, “Ruoth, hapa rach, nikech en le ma aholo.”

2 Weche mag Ndalo 20:12

A Nyasachwa, donge ibiro kumogi? Wan waonge gi teko ma dwasirgo oganda maduong’ mabiro monjowani! Ok wang’eyo gima dwatim, to wageno mana kuomi.”

Zaburi 53:5

To kihondko ma pok ginenoe nyaka nene biro makogi, nikech Nyasaye keyo choke joma kwede. Nologi chuth, mi giyud wichkuot, nikech Nyasaye osedagigi.

Wuok 24:13

Musa kaachiel gi Joshua jatichne nodhi e god Nyasaye.

Mathayo 8:26

Yesu nodwokogi kapenjogi ni, “Ere gima omiyo uluor, un joma nigi yie matin-gi?” Eka noa malo, mokwero ahiti kod apaka, mi nam okue thi!

Tich Joote 13:5

Kane gichopo Salamis, ne gilando Wach Nyasaye e ut lemo mag jo-Yahudi, ka Johana konyogi.