2 Ruodhi 6:1 - MUMA MALER 2015

¹ Oganda mar jonabi nowacho ni Elisha niya, “Kama wadakie kodini tin, wahewo.

Motingʼo Loko Manyien

¹ Kanyakla mar jonabi nowachone Elisha niya, “Neye, kaka kama wadakie kodini tin.

2 Ruodhi 6:1 ပူးပေါင်းရင်းမြစ်များ

1 Ruodhi 20:35

Wach Ruoth Nyasaye nobiro ni ng’at achiel kuom oganda jonabi, mowacho ni wadgi ni, “Yie igoya!” To jalo nodagi goye.

2 Ruodhi 2:15

Kane oganda jonabi modak Jeriko onene gi kuma bor, ne giwacho niya, “Teko mane Elija nigo, koro odok ni Elisha.” Ne gidhi romone, mi gikulorene,

2 Ruodhi 2:3

To oganda jonabi ma nodak Bethel nowuok modhi ir Elisha, mopenje niya, “Bende ing’eyo ni Ruoth Nyasaye biro kawo jaduong’ni kawuono?” Nodwokogi niya, “Ee, ang’eyo kamano, to ling’uru.”

2 Ruodhi 2:5

Oganda jonabi mane odak Jeriko nosudo machiegni gi Elisha, mopenje niya, “Bende ing’eyo ni Ruoth Nyasaye biro kawo jaduong’ni kawuono?” Nodwokogi niya, “Ee, ang’eyo kamano, to ling’uru.”

2 Ruodhi 2:7

Ji piero abich kuom oganda jonabi bende nodhi, mochung’ kama ochwalore kodgi, ka ji ariyogo chung’ e dho aora.

2 Ruodhi 4:1

Chieng’ moro, dhako moro ma chi liel, ma chwore ne achiel kuom oganda jonabi, notero ywak ir Elisha, kawachone niya, “Chwora osetho, kendo ing’eyo kaka ne en ng’at ma oluoro Ruoth Nyasaye. To jabendho osebiro mondo okaw nyithinda ariyo, olok wasumbe.”

2 Ruodhi 4:38

Elisha nodok Gilgal. Chieng’ moro kane kech nie piny, Elisha ne ni kod oganda jonabi, kapuonjogi. Nowacho ni jatichne niya, “Ket agulu maduong’ e kendo, ited chiemo ni jonabigi.”

2 Ruodhi 6:2

We wadhi aora Jordan mondo ng’ato ka ng’ato otong’ yien, wagergo udi.” Nodwoke niya, “Ayie dhiuru.”

Ayub 36:16

In Ayub, Nyasaye ne ogoli e thagruok, mi omiyi ibedo gi kue, kendo ne omiyi chiemo mang’eny mogundho.

Jo-Hibrania 11:34

Yie ema ne omiyo giumo dho sibuoche, kendo ginego gero mar mach, bende gitony e lweny. Kata obedo ni ne gin joma nyap, to yie nomiyo gibedo joma rateke, kendo gidoko joma ger e lweny, mi giriembo jolweny mane oa e pinje mamoko.

Joshua 17:14

Joka Josef nopenjo Joshua niya, “Ere gima omiyo isemiyowa mana pok achiel kende e pinyni? Wasenya ahinya, nikech Ruoth Nyasaye oseguedhowa.”

Joshua 19:47

Kane oriemb jo-Dan e pinygi, ne gidhi nyaka Leshem, mi gimonjo dalano. Ne gikawe, kendo ne ginego ji duto ma nodakie. Ne gidak kuno, mi giloko nyinge ni Dan, nying kwargi.

1 Samuel 19:20

mi nooro joote mondo omake. To kane jootego oneno oganda jonabi ka dhumore, kod Samuel kochung’ ka jatendgi, Much Nyasaye nobiro kuomgi, mi gin bende ne gidhumore.