2 Ruodhi 5:17 - MUMA MALER 2015

¹⁷ Eka Naaman nowachone niya, “Kidagi ni kik amiyi gimoro, to akwayi ni mondo imiya lowo ma dirom kenje ariyo ting’o, nikech chakre kawuono ok abi timo misango ni Nyasaye moro amora, to mak mana ni Ruoth Nyasaye.

Motingʼo Loko Manyien

¹⁷ Naaman nokone niya, “Ka idagi, to we mondo an jatichni miya lowo moromo kenje ariyo tingʼo, nikech chakre kawuono ok abi timo misango miwangʼo pep kod misango moro amora ne nyasaye moro makmana Jehova Nyasaye.

2 Ruodhi 5:17 ပူးပေါင်းရင်းမြစ်များ

2 Ruodhi 5:12

Donge aore mag Damaski, ma Abana gi Farpa, beyo moloyo aore duto mag Israel? Ok danyumra e aorego mondo achangi?” Bang’e nolokore modhi ka iye owang’.

2 Ruodhi 5:18

To ne nitie gimoro achiel ma Ruoth Nyasaye onego wenae; ruodha pod biro donjo e od Rimon nyasache mondo olem kuro, koyiengore e bada. Obiro kulore e od Rimon, kendo an bende abiro kulora kode, to Ruoth Nyasaye mondo owena kuom timo kamano.”

Wuok 20:24

Nyaka ulosna kendo-mar-misango mar lowo, kendo utimie misengni miwang’o pep, kod misengni mag sawo, mutimo gi rombu kod dhou. Kamoro amora ma achiko ni mondo ulamae, to anabie kendo naguedhue.

Tich Joote 26:18

Iniyaw wang’gi, mi igolgi gia e mudho gidhi e ler, kendo gia e teko Satan, gidhi ir Nyasaye, mondo ka giyie kuoma to owenigi richogi, kendo gibed kaachiel gi joma Nyasaye oseyiero obed joge.’

Jo-Rumi 14:1

Kata ka ng’ato nigi yie mayomyom, to rwakeuru arwaka ma ok uchande gi weche ma pod en-go kiawa.

1 Jo-Thesalonika 1:9

nikech jogo duto wacho giwegi kaka ne urwakowa kane walimou, kendo kaka ne ulokoru uweyo nyiseche manono mondo uti ni Nyasaye maradier kendo mangima.

1 Petro 4:3

E ndalo mosekadho, ne un gi kinde malach moromou timo gik ma joma ok oyie dwaro. Ne utimo timbe maricho, kaka owruok, gi gombo, gi mer, gi dwanyruok, gi metho mag anjawo, kod lamo nyiseche manono, ma en gima Chik okwero.