2 Ruodhi 5:16 - MUMA MALER 2015

¹⁶ To nodwoke niya, “Gi nying Ruoth Nyasayee ma atiyone, ok nakaw gimoro.” Nochune mondo okaw, to Elisha nodagi.

Motingʼo Loko Manyien

¹⁶ To janabi nodwoke niya, “Akwongʼora gi nying Jehova Nyasaye mangima, ma atiyone, ni ok anakaw gimoro kuomi.” Kata obedo ni Naaman nomedo saye kamano, nodagi.

2 Ruodhi 5:16 ပူးပေါင်းရင်းမြစ်များ

1 Ruodhi 13:8

To ng’at Nyasaye nodwoko ruoth niya, “Kata da bed ni imiya mana nus mwanduni, to ok nadonj e odi. Ok nachiem, kata madho gimoro ok namadh ka,

1 Ruodhi 17:1

Elija ja-Tishbe modak e piny Gilead nowacho ni Ahab niya, “Gi nying Ruoth Nyasaye ma Nyasach Israel, kata tho ok nomok e lum, kata koth ok nochue e piny kuom hignigi, mak mana ka awacho.”

1 Ruodhi 18:15

To Elija nodwoke niya, “Gi nying Ruoth Nyasaye Manyalo Gik Moko Duto, ma Nyasacha ma atiyone, akuong’ora ni abiro nene kawuono.”

2 Ruodhi 3:14

Elisha nodwoke niya, “Akuong’ora gi nying Ruoth Nyasaye Manyalo Gik Moko Duto ma atiyone, ni da ni ok ageno Jehoshafat ruodh Juda, to da ok adewi, kata ng’iyi da ok ang’iyi.

2 Ruodhi 5:20

Gehazi ma jatich Elisha ng’at Nyasaye, noparo niya, “Ruodha oseweyo Naaman ma ja-Aram odhi mak okawo mich ma nokelo. Gi nying Ruoth Nyasaye, abiro lawe mondo ayudie gimoro kuome.”

2 Ruodhi 5:26

Elisha nokone niya, “Donge chunya nodhi kodi, kane ng’at cha lor a e gache, duogo romoni? Iparo ni ma e kinde mar kawo fedha, gi lewni, gi puothe mzabibu, gi rombe, gi dhok, kod jotich machwo gi mamon koso?

Daniel 5:17

Daniel nodwoko niya, “Ruoth, bed abeda gi michnigo, kata inyalo miyogi ng’ato ang’ata mihero. An to abiro somoni asoma gima ondikno, mi anyisi tiende.

Mathayo 10:8

To bende changuru joma tuo, kendo chieruru joma otho, bende puodhuru jodhoho, kendo goluru jochiende. To kaka useyudo nono bende chiwuru nono.

1 Jo-Korintho 6:12

Ng’ato nyalo wacho ni, “Anyalo timo gimoro amora ma ahero.” Ee, mano nyalo bedo adier, to kik igal ni gik moko duto mitimo gin gik mowinjore. Adier, anyalo wacho ni, “Anyalo timo gimoro amora mahero”, to ok anyal yie mondo gimoro amora oloka misumbane.

2 Jo-Korintho 12:14

Koro aikora mondo abi iru e limbena mar adek, to pod ok nadwar mondo ukonya, nikech ok mwanduu ema adwaro, to adwaro mana un uwegi. Nyithindo ok onego ken ni jonywolgi, to jonywol ema keno ni nyithindgi.