2 Ruodhi 5:1 - MUMA MALER 2015

¹ Naaman ne jaduong’ lweny mar ruodh Aram, kendo Ruoth Nyasaye nosekonye, komiyo jo-Aram loyo e lweny. Kuom mano, ne en ng’at ma ruodhe ogeno kendo morgo. Bende ne en ng’at maratego ma jachir. To ne en radhoho.

Motingʼo Loko Manyien

¹ Koro Naaman ne en jatend to jolweny mar ruodh Aram. Ne en ngʼat ma ruodhe ogeno kendo morgo, nikech kokalo kuome Jehova Nyasaye nomiyo jo-Aram oloyo lweny. Ne en jalweny molony kendo ma jachir, to kata kamano ne en ja-dhoho.

2 Ruodhi 5:1 ပူးပေါင်းရင်းမြစ်များ

2 Samuel 3:29

Rembe mondo obed ewi Joab, kendo kuom dhoode duto. E dhood Joab nyaka bedie ng’ama rembe chuer, kata ng’ama jadhoho, kata ng’at modere, kata ng’ama ochando chiemo!”

2 Ruodhi 4:8

Chieng’ moro, Elisha nodhi Shunem, kuma dhako moro ma jamoko nodakie. Dhakono nochune mondo ochiem e ode. Bang’ mano, kinde duto mane Elisha luwoe yorno, nothoro rawo kanyo mondo ochiemie.

2 Ruodhi 5:2

Noyudo ka chiege nigi nyar Israel moro ma jatichne, mane jo-Aram omako kane gimonjo jo-Israel, kaka ne githoro timo.

2 Ruodhi 5:27

Omiyo koro dhoho mar Naaman biro maki, kaachiel gi nyikwayi nyaka chieng’” Mi Gehazii noa kanyo kosedoko radhoho, ma dende rachar ka pe.

2 Ruodhi 7:3

Noyudo ka jodhoho ang’wen obet e dhoranga Samaria. Ne gipenjore niya, “Ere gima omiyo warito mondo watho ka?

Wuok 11:3

Mi Ruoth Nyasaye nomiyo jo-Misri ogeno jo-Israel. To bende jodong Farao gi jo-Misri duto nomiyo Musa duong’ ahinya.

Ngeche 21:31

Inyalo gawo farese mondo obed moikore ni lweny, to Ruoth Nyasaye ema miyo ilocho.

Luka 4:27

Bende ne nitie jodhoho mang’eny e Israel e ndalo janabi Elisha, to onge kata achiel kuomgi mane ochangi, mak mana Naaman ja Siria.”

Johana 19:11

To Yesu nodwoke niya, “Ok dibedo gi teko kuoma kata matin, ka da ok tekono obironi koa malo. Kuom mano, ng’at mane oketa e lueti nigi richo moloyo.”

Jo-Rumi 15:18

An ok dawuo kuom gimoro ma an asetimo, to dawuo mana kuom gik mane Kristo osemiyo atimo mondo joma ok jo-Yahudi oluor Nyasaye.

2 Jo-Korintho 12:7

Emomiyo ne omiya kudho machwowo ringra, ma en jaote mar Satan, mondo omonja kik asungra, kata kik ating’ra malo nikech duong’ miwuoro mar gik mane Nyasaye ofwenyona.

Rapar mar Chik 2:37

To kata kamano, numako chik Ruoth Nyasaye ma Nyasachwa gi chunyu duto mi ok umonjo piny jo-Amon ji yo ka holo mar Jabok, kata mana gi yo ka miechgi manie gode.