2 Ruodhi 4:9 - MUMA MALER 2015

⁹ Mano omiyo dhakono nowacho ni chwore niya, “Aneno ni jal makadho ka pileni en ng’at Nyasaye.

Motingʼo Loko Manyien

⁹ Nowachone chwore niya, “Angʼeyo ni ngʼat ma jabiro ka en ngʼat Nyasaye maler.

2 Ruodhi 4:9 ပူးပေါင်းရင်းမြစ်များ

1 Ruodhi 13:1

To Ruoth Nyasaye nosewacho ni jatichne moro mondo oa Juda odhi Bethlehem, mi jalo nodhi moyudo Jeroboam kochung’ e dho kendo-mar-misango kawang’o misango.

1 Ruodhi 17:18

Dhakono nopenjo Elija niya, “Yaye ng’at Nyasaye, in gang’o koda? Bironi osefwenyo richona koso, ma omiyo wuoda otho?”

1 Ruodhi 17:24

Dhakono nowacho ni Elija niya, “Kawuono eka ang’eyo ni in ng’at Nyasaye, kendo wach Ruoth Nyasaye mawuok e dhogi en adier.”

2 Ruodhi 4:7

Eka dhakono nodhi, monyiso ng’at Nyasaye gima osetimore. Elisha nodwoke niya, “Dhiyo, ihon morno, ichulgo gopeni, to modong’, ukonyrugo gi yawuoti.”

2 Weche mag Ndalo 25:7

To ng’at Nyasaye moro nobiro ire mowachone niya, “A Ruoth, kik iwe jolweny mag jo-Israel dhi kodi nimar Ruoth Nyasaye ok ni kod jo-Israel ma jo-Efraimgi.

Mathayo 5:16

Kamano un bende, ler maru nyaka rieny e nyim ji, mondo gine timbeu mabeyo, mi gimi Wuonu mae polo duong’.

Rapar mar Chik 33:1

Kane Musa ng’at Nyasaye chiegni tho, noguedho jo-Israel, kowacho kama:

1 Jo-Thesalonika 2:10

Un ema ung’eyo, mana kaka Nyasaye bende ong’eyo ni kane wan kodu, to timbewa ne ler kendo kare, maonge ketho moro e nyimu un joma oyie.

1 Timotheo 6:11

To in ng’at Nyasaye, nyaka ibed mabor gi gigo duto, to dwar mondo ibed mana ng’ama kare, kendo moluoro Nyasaye, bende man gi yie kod hera, kendo motimo kinda, kendo mamuol.

Tito 1:8

To nyaka obed ng’at mohero rwako welo, kendo mohero gik malong’o. Bende nyaka obed ng’at mabidhore, kendo ma jang’ad bura kare, kendo ma timbene ler, kendo mong’eyo ritore owuon.

1 Petro 3:1

Un mon bende nyaka uluor chwou, mondo ka nitie chwo moko ma ok oyie, to gilokre ka gineno kaka ngimau chal,

2 Petro 1:21

nikech onge wach mane okor mana nikech dwaro mar dhano. To ji ne wacho wach moa kuom Nyasaye, mana kaka Roho Maler ne telonigi.

2 Petro 3:2

kaparonu weche mane jonabi maler owacho e ndalo machon, kod chik mar Ruoth kendo Jawar mane jooteu okelonu.