2 Ruodhi 4:42 - MUMA MALER 2015

⁴² Ng’at moro noa Baal-shalisha, mokelo ni ng’at Nyasaye cham manyien e gunia. Ne gin makati piero ariyo mag shairi, kod cham mawidhi. Elisha nowacho ni mondo omigi ji ochamgi.

Motingʼo Loko Manyien

⁴² Ngʼato nobiro koa Baal-Shalisha, mokelo ne ngʼat Nyasaye makati piero ariyo mag shairi mane otedi gi cham mokwongo oka, kaachiel gi kothe mokwongo. Elisha nowacho niya, “Migi ji mondo ochamgi.”

2 Ruodhi 4:42 ပူးပေါင်းရင်းမြစ်များ

1 Ruodhi 14:3

Kaw makati apar, gi kek moko kod puga mar mor kich, iterne; enonyisi gima biro timore kuom nyathi.”

2 Ruodhi 4:38

Elisha nodok Gilgal. Chieng’ moro kane kech nie piny, Elisha ne ni kod oganda jonabi, kapuonjogi. Nowacho ni jatichne niya, “Ket agulu maduong’ e kendo, ited chiemo ni jonabigi.”

2 Ruodhi 5:5

Ruodh Aram nowachone niya, “Kara dhiyo, abiro ori ir ruodh Israel gi barua.” Naaman nodhi gi fedha moromo kilo mia adek, gi dhahabu moromo kilo apar, kod lewni mabeyo apar.

2 Ruodhi 7:1

To Elisha nowacho niya, “Winjuru wach Ruoth Nyasaye. Ruoth Nyasaye owacho niya, ‘Kiny, kar sa makama, nengo atonga mar mogo mayom nobed otonglo achiel e dhoranga Samaria, kendo atonge ariyo mag shairi bende otonglo achiel.’ ”

Wuok 23:16

Kukayo cham mane uchwoyo e lopu, to nyaka utim Sap Keyo, kukelona cham mukwongo kayo. Bende unutim Sap Olembe e giko higa, ka usepono olembe puotheu mag mzabibu kod mag zeituni.

Kwan 18:12

“Amiyou mo maber gi divai manyien mabeyo duto gi cham mabeyo, tiende ni cham agwela mochiw ni Nyasaye.

Kwan 18:13

Olembe duto mokwong pon e pinyu, mokel ni Ruoth Nyasaye nobed mau. Ng’ato ang’ata ma e odi ma ok ogak nyalo chamogi.

Johana 6:13

Kuom mano ne gichoko ng’injo mag makati abich mane ji ochamogo, mi opong’o aditini apar gariyo.

Johana 6:9

“Rawera moro ni ka, man gi makati abich mag shairi, kod rech mothol ariyo. To magi dinyal ang’o kuom joma ng’enygi?”

1 Jo-Korintho 9:11

Ka wan ema ne wachuoyo kodhi mag chuny, koro ere gima omiyo ubwok ka wanwang’o kuomu gik moko mag piny ma wakonyorego?

Jo-Galatia 6:6

Ber mondo ng’at ma ipuonjo wach Kristo okony japuonjne, kopogone gik mabeyo duto ma en-go.

Rapar mar Chik 12:6

Kanyo ema ubiro keloe misengni mau miwang’o pep, kod misengni mamoko, gi chiwo mar achiel kuom apar, kod chiwo mamoko kod gik ma ukuong’oru ni ubiro chiwo, kod mago muchiwo kuom herou, kaachiel gi nyithindo makayo mag jambu.

Rapar mar Chik 32:14

Ne gin gi cha adila gi cha rombe, kod nyirombe gi imbe mabeyo moloyo gi dhok moa Bashan, kod nyuogi, kaachiel gi ngano maber. Ne gimadho mana divai makwar maber.

Rapar mar Chik 8:8

En piny machiego cham kaka ngano gi shairi, kendo machiego mzabibu gi ng’owo gi zeituni kod olembe mamoko, bende ma mor kich ng’enyie.

1 Samuel 9:4

Ne gidhi mi gimanyogi e piny gode mag Efraim kendo e piny Shalisha, to ne ok giyudogi.

1 Samuel 9:7

Saulo nopenje niya, “Ka wadhi to ere gima dang’ water ni ng’at Nyasayeno, nimar chiemo mane wating’o koro oserumo, kendo waonge gi mich ma wanyalo terone? Koso wan gang’o?”