2 Ruodhi 4:27 - MUMA MALER 2015

²⁷ Kane ochopo e got, nodhi ir ng’at Nyasaye, momako tiende, Gehazi nosudo mondo ogole, to ng’at Nyasaye nowachone niya, “Weye, nimar chunye chandore malit, to Ruoth Nyasaye osepandona wachne, mak onyisa.”

Motingʼo Loko Manyien

²⁷ To kane ochopo ir ngʼat Nyasaye e got, nopodho e tiende, Gehazi ne obiro gole kanyo, to ngʼat Nyasaye nokwero Gehazi niya, Weye! En kod lit e chunye, makmana Jehova Nyasaye osepandona wachni kendo ok osenyisa gima omiyo.

2 Ruodhi 4:27 ပူးပေါင်းရင်းမြစ်များ

Chakruok 18:17

Ruoth Nyasaye nowacho e chunye niya, “Bende dapand Ibrahim gima adwaro timo?

2 Samuel 7:3

Nathan nodwoko ruoth niya, “Tim duto midwaro, nikech Ruoth Nyasaye ni kodi.”

2 Ruodhi 4:25

Mi nowuok modhi got Karmel ir ng’at Nyasaye. Kane ng’at Nyasaye onene gi kuma bor, kobiro, nowacho ni Gehazi jatichne niya, “Ne! Chi Shunem cha biro.

2 Ruodhi 4:26

Ring iromne, ipenje ngimane gi ngima mar chwore kod mar wuode.” Dhakono nodwoko Gehazi ni, “Wangima.”

2 Ruodhi 6:12

Achiel kuom joge nodwoke niya, “Ruoth, onge ng’atwa moro amora, to mak mana Elisha janabi ema nyiso ruodhgi gik miwacho kata ka in e odi mar nindo.”

Ayub 10:1

Aol gi bedo mangima, omiyo koro abiro hulo chandruokna duto, nikech chunya lit.

Ngeche 14:10

Chuny ng’ato ema ong’eyo gima litne, kata mor ma en go. Ng’at machielo to ok nyal ng’eyo.

Ngeche 18:14

Chuny man gi chir ema konyo ng’ato ka tuo. To ka chuny ng’ato ool to konye tek.

Amos 3:7

“Adier, onge gima Ruoth Nyasaye timo ka ok onyiso jotichne ma jonabi.

Mathayo 15:23

To Yesu ne ok odwoke kata wach achiel. Bang’e jopuonjrene nobiro ire, mokwaye ni, “Riemb dhakoni odhi, nikech oluwo bang’wa kogoyo koko.”

Mathayo 20:31

Ji nokwerogi ni mondo giling’, to ne gimedo mana kok matek niya, “Ruoth, kechwa! Wuod Dhano, kechwa!”

Mathayo 28:9

To kane oyudo gidhi, ne gipo ka Yesu ochung’ e nyimgi, mi omosogi ni, “Okueuru.” Ne gisudo ire mi gimako tiende ka gimiye duong’.

Mariko 10:13

Ji moko nokelo nyithindo ir Yesu mondo oket lwete kuomgi, to jopuonjrene nokwerogi.

Mariko 14:6

To Yesu nowachonigi niya, “Weyeuru. Ere gima omiyo uchande? Osetimona gima kare kendo maber.

Luka 7:38

mi obiro mochung’ ka dieng’e Yesu, but tiende. Noywak, kendo pi wang’e nolwoko tiend Yesu. Eka noyweyo tiend Yesu gi yie wiye, mi onyodho, kendo owiro gi mo mang’ue ng’arno.

Johana 15:15

Chakre kawuono ok nachak aluongu kendo ni wasumbini, nikech misumba ok ong’eyo gima ruodhe timo. To aluongou ni osiepena, asenyisou gik moko duto ma Wuora osenyisa.

Johana 4:27

E sano jopuonjre Yesu nodwogo, kendo ne giwuoro ka gineno kowuoyo gi ng’ama dhako. To onge ng’ama nopenje gima odwaro kuom dhakono, kata gima omiyo owuoyo kode.

1 Samuel 1:10

Chuny Hana ne chandore, kendo nolamo Ruoth Nyasaye, koywakne malit.