2 Ruodhi 4:1 - MUMA MALER 2015

¹ Chieng’ moro, dhako moro ma chi liel, ma chwore ne achiel kuom oganda jonabi, notero ywak ir Elisha, kawachone niya, “Chwora osetho, kendo ing’eyo kaka ne en ng’at ma oluoro Ruoth Nyasaye. To jabendho osebiro mondo okaw nyithinda ariyo, olok wasumbe.”

Motingʼo Loko Manyien

¹ Dhako moro mane chwore otho ma chworeno ne en achiel kuom kanyakla mag jonabi notero ywakne ne Elisha niya, “Jatichni ma en chwora otho kendo ingʼeyo ni ne oluoro Jehova Nyasaye. To koro sani, jabendho mane en-gi gope dwaro kawo yawuota ariyo mondo obed wasumbini mage.”

2 Ruodhi 4:1 ပူးပေါင်းရင်းမြစ်များ

Chakruok 22:12

Eka malaikano nokwere ni, “Kik ineg wuodi, kata kik itimne gimoro marach, nikech koro ang’eyo ni in ng’at moluoro Nyasaye, nimar ok isetama e wuodi ma miderma.”

1 Ruodhi 18:3

omiyo Ahab noluongo Obadia, ma jaduong’ ode. (Obadia ne en ng’at moluoro Ruoth Nyasaye ahinya,

1 Ruodhi 20:35

Wach Ruoth Nyasaye nobiro ni ng’at achiel kuom oganda jonabi, mowacho ni wadgi ni, “Yie igoya!” To jalo nodagi goye.

2 Ruodhi 2:15

Kane oganda jonabi modak Jeriko onene gi kuma bor, ne giwacho niya, “Teko mane Elija nigo, koro odok ni Elisha.” Ne gidhi romone, mi gikulorene,

2 Ruodhi 2:3

To oganda jonabi ma nodak Bethel nowuok modhi ir Elisha, mopenje niya, “Bende ing’eyo ni Ruoth Nyasaye biro kawo jaduong’ni kawuono?” Nodwokogi niya, “Ee, ang’eyo kamano, to ling’uru.”

2 Ruodhi 2:5

Oganda jonabi mane odak Jeriko nosudo machiegni gi Elisha, mopenje niya, “Bende ing’eyo ni Ruoth Nyasaye biro kawo jaduong’ni kawuono?” Nodwokogi niya, “Ee, ang’eyo kamano, to ling’uru.”

2 Ruodhi 2:7

Ji piero abich kuom oganda jonabi bende nodhi, mochung’ kama ochwalore kodgi, ka ji ariyogo chung’ e dho aora.

2 Ruodhi 4:38

Elisha nodok Gilgal. Chieng’ moro kane kech nie piny, Elisha ne ni kod oganda jonabi, kapuonjogi. Nowacho ni jatichne niya, “Ket agulu maduong’ e kendo, ited chiemo ni jonabigi.”

2 Ruodhi 6:9

To ng’at Nyasaye nooro ni ruodh Israel wach, kanyise niya, “Kik iluw yorno, nikech jo-Aram obuto kuno.”

Nehemia 10:31

Ka jogo okelo gik ohala moko, kata cham moro amora chieng’ Sabato, to ok wanang’iep kuomgi chieng’ Sabato kata chieng’ moro amora maler. Bang’ higni abiriyo abiriyo ok wanapur puothewa, kendo wanawe ji duto mosing ni gope.

Nehemia 7:2

Bende naketo Hanani owadwa gi Hanania mane jatend kama ochiel motegno, mondo jobed jotend Jerusalem. Nayiero Hanania nikech ne en ng’at mogen kendo moluoro Nyasaye moloyo joma moko duto.

Zaburi 103:11

To kaka polo bor moyombo piny, e kaka hera moherogo joma oluore bende bor moyombo hera duto.

Zaburi 103:17

To hera ma Ruoth Nyasaye oherogo joma oluore osiko nyaka chieng’, bende ng’wonone ochwere kuom tienge duto

Zaburi 115:13

Ee, obiro guedho ji duto moluore, bed ni gin joma dongo kata joma tindo.

Zaburi 147:11

to obedo mamor mana gi joma oluore, kendo man gi geno kuom herane mosiko.

Ngeche 22:7

Joma odhier gin wasumb jomwandu, kendo kiholo gimoro kuom ng’ato to nyaka idok misumbane.

Eklesiastes 12:13

Bang’ mago duto, gimoro achiel kende ema odong’ ma onego anyisi. En ni, luor Nyasaye, kendo rit chikene, nimar mano ema ne omiyo ochue dhano.

Eklesiastes 8:12

Jaricho nyalo timo richo ndalo mathoth, to eka pod odak adaka aming’a. Adier, ang’eyo ni ji wacho niya, “Ka iluoro Nyasaye to gik moko duto dhini maber,

Isaya 50:1

Ruoth Nyasaye wacho niya, “Un jo-Israel ma nyithinda, en adier ni ne ariembou nikech timbeu maricho, to bende nitie gima nyiso ni nariembou chuth, kaka ng’ato riembo chiege? Koso ng’ato nitie mane achiwoune? Ooyo, ne ang’iewou mana nikech timbeu mamono.

Jeremia 34:14

‘Higni abiriyo ka higni abiriyo onego ng’ato ka ng’ato kuomu owe ja-Hibrania moro amora mane ong’iewo ka misumba, kendo mosetiyone kuom higni auchiel.’ To kwereu ne ok nyal winja, kata rito chikna ne ok girito.

Tim jo-Lawi 25:48

to thuolo nitie mar ware. Owadgi moro nyalo ware,

Malaki 3:16

Kane joma oluoro Ruoth Nyasaye owinjo wechego, ne giwuoyo e kindgi giwegi, kendo Ruoth Nyasaye nowinjo wechegi. Nying joma oluoro Ruoth Nyasaye kendo mamiye duong’ ne ondik e kitabu moro e nyime.

Malaki 4:2

To un joma oluoro nyinga tekona nopilre kuomu ka wang’chieng’ ma kelo ler, mi noresu, kendo ler mare nobed gima changou. Unubed joma ni thuolo kendo mail ka nyiroye moyawnigi abila.

Mathayo 18:25

To jatichno ne onge gi yo ma dichulgo gopeno, omiyo ruodhe nowacho ni mondo ong’iewe ka misumba, kaachiel gi chiege gi nyithinde kod gige duto, mondo ochulgo gowino.

Mathayo 18:30

To jalo notamore weye, modhi otere e jela nyaka chop ochule gope.

Mathayo 18:35

Yesu notieko, kawacho niya, “Mano e kaka Wuora mae polo bende notim ni ng’ato ka ng’ato kuomu ma ok oweyo ni wadgi gi chunye duto!”

Tich Joote 13:26

“Un jowetena ma nyikwa Ibrahim, kaachiel gi ji mamoko moluoro Nyasaye, wan ema osekelnwa wach warruokni,

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.

Fweny 15:4

A Ruoth, en ng’ano ma ok nyal luori, kata ma ok nyal miyo nyingi duong’? In kendi ema iler! Ogendini duto nobi, mi kulre e nyimi, nikech timbeni makare osenenore ratiro.”

Fweny 19:5

Bang’ mano, duol moro noa e kom duong’ kawacho niya, “Pakuru Nyasachwa un jotichne duto madongo gi matindo ma oluore!”

Ruth 1:3

To Elimelek chwor Naomi notho, moweye gi yawuote ariyo.

1 Samuel 22:2

Bende ji duto mane nigi chandruok moro amora, kaka gowi kata ng’ur, nochokore ire, ma dirom mia ang’wen, mi odoko jatendgi.