2 Ruodhi 3:4 - MUMA MALER 2015

⁴ Mesha ruodh Moab ne japith rombe, kendo higa ka higa nogolo rombe alufu mia achiel kod piende imbe alufu mia achiel.

Motingʼo Loko Manyien

⁴ Mesha ruodh Moab ne japith rombe, kendo ne ojagolo osuru ne ruodh Israel maromo nyirombe alufu mia achiel kod yie imbe maromo alufu mia achiel.

2 Ruodhi 3:4 ပူးပေါင်းရင်းမြစ်များ

Chakruok 13:2

To Abram koro ne jamoko ahinya, ne en gi rombe gi diek gi dhok, kaachiel gi fedha kod dhahabu.

2 Samuel 8:2

Noloyo jo-Moab bende, kendo nochikogi mondo ginind piny, ka giriedo. Eka nopogogi gi tol e migepe adek. Nogolo chik mondo oneg migepe ariyo to migawo achiel mondo odong’. Bang’ mano jo-Moab nobedo e bwo loch Daudi, kendo ne gigolone osuru.

2 Samuel 8:6

Noketo askeche ma jorit e piny jo-Aramgo, mi ne gibedo e bwo lochne, kendo ne gigolone osuru. Kuonde duto mane Daudi dhiye, Ruoth Nyasaye ne miye locho.

1 Weche mag Ndalo 18:2

Noloyo jo-Moab bende, mi gibet e bwo lochne, kendo ne gigolone osuru.

2 Weche mag Ndalo 26:10

E thim bende nogeroe kuonde maboyo mag siro lweny, kendo nokunyo yewni mang’eny, nimar ne en gi jamni mathoth e piny gode kendo e piny pap, bende ne en gi jopur gi jopith mzabibu mane tiyone e gode kod kuonde momew, nikech nohero pur.

Ayub 1:3

kendo ne en gi rombe alufu abiriyo gi ngamia alufu adek gi dhok alufu achiel kod kenje mia abich. To bende ne en gi jotich mogundho. Kamano ne en ng’at momewie moloyo ji duto ma nodak e pinje man yo wuok chieng’.

Ayub 42:12

Achien Ruoth Nyasaye noguedho Ayub moloyo kaka noseguedhe e ndalo mokwongo. Ayub koro ne nigi rombe alufu apar gang’wen, gi ngamia alufu auchiel gi dhok alufu ariyo, kod kenje alufu achiel. Ne en gi yawuowi abiriyo gi nyiri adek.

Zaburi 60:8

Piny Moab to nobed mana karacha mar lwok, kendo Edom nobed kama aboloe wuochena. Bende jo-Filistia ne paro ni diloya, mi go mahu adier?”