2 Ruodhi 3:19 - MUMA MALER 2015

¹⁹ Ubiro loyo mier mochiel gi ohinga, kod mier mabeyo duto, kendo unutong’ yien mabeyo duto. Unudin sokni, kendo unuketh puothe mabeyo duto gi kite.”

Motingʼo Loko Manyien

¹⁹ Ubiro loyo mier madongo mochiel motegno kod mier mamoko duto. Ubiro tongʼo yiende mabeyo duto, unudin sokni kendo unupongʼ puothe mabeyo gi kite.”

2 Ruodhi 3:19 ပူးပေါင်းရင်းမြစ်များ

Chakruok 21:19

Eka Nyasaye noyawo wang’ Hagar, mi Hagar noneno soko moro. Nodhi motuomo pi e puke, momiyo nyathi omodho.

2 Ruodhi 13:17

mowacho niya, “Yaw dirisa mochomo yo wuokchieng’” Mi noyawo. Eka Elisha nowachone niya, “Dir asere.” Kane osediro, Elisha nowachone niya, “Mano asech loch Ruoth Nyasaye, kendo onyiso ni ibiro loyo jo-Aram. Ibiro kedo gi jo-Aram e dala mar Afek nyaka itiekgi chuth.”

2 Ruodhi 3:25

Jo-Israel noketho miech Moab, kendo ng’ato ka ng’ato nodiro kidi e puothe duto mabeyo, nyaka kite nopong’ogi. Ne gidino sokni duto, kendo ne gitong’o yien mabeyo duto. Dala Kir-hareseth kende ema nodong’ ni jo-Moab, to jodir orujre nolwore mobaye.

Kwan 24:17

Anene, to ok sani, kendo ang’iye, to ok machiegni. Sulue nobi koa kuom joka Jakobo, kendo ludh duong’ nowuog kuom jo-Israel. Obiro goyo oganda lweny mag jo-Moab, kendo nolo joma sungore.

Jong’ad Bura 6:16

Ruoth Nyasaye nowachone niya, “Anabed kodi mi initiek jo-Midian. Inilogi mana ka gima en ng’at achiel.”

1 Samuel 15:3

Koro dhiyo iked gi jo-Amalek, kendo iketh mwandugi duto chuth. Kik iwegi, to ineggi duto, chwo gi mon, rawere gi nyithindo madhoth, gi dhok gi rombe, kod ngamia gi kenje.’ ”

1 Samuel 23:2

Omiyo nopenjo Ruoth Nyasaye wach niya, “Adhi aked gi jo-Filistia koso?” Ruoth Nyasaye nodwoke niya, “Dhiyo, iked kodgi, mondo ires jo-Keila.”