2 Ruodhi 3:14 - MUMA MALER 2015

¹⁴ Elisha nodwoke niya, “Akuong’ora gi nying Ruoth Nyasaye Manyalo Gik Moko Duto ma atiyone, ni da ni ok ageno Jehoshafat ruodh Juda, to da ok adewi, kata ng’iyi da ok ang’iyi.

Motingʼo Loko Manyien

¹⁴ Elisha nowacho niya, “Akwongʼora gi nying Jehova Nyasaye Maratego ma atiyone, ni ka dine bed ni ok ageno Jehoshafat ruodh Juda, to dine ok ayudo thuolo mar wuoyo kodi kata dewi

2 Ruodhi 3:14 ပူးပေါင်းရင်းမြစ်များ

1 Ruodhi 17:1

Elija ja-Tishbe modak e piny Gilead nowacho ni Ahab niya, “Gi nying Ruoth Nyasaye ma Nyasach Israel, kata tho ok nomok e lum, kata koth ok nochue e piny kuom hignigi, mak mana ka awacho.”

1 Ruodhi 18:15

To Elija nodwoke niya, “Gi nying Ruoth Nyasaye Manyalo Gik Moko Duto, ma Nyasacha ma atiyone, akuong’ora ni abiro nene kawuono.”

1 Ruodhi 21:20

Ahab nowacho ni Elija niya, “Yaye, jasika, kara isenwang’a?” Nodwoke ni “Ee, asenwang’i, nikech isechiwori mar timo gik ma Ruoth Nyasaye okwero.

2 Ruodhi 5:16

To nodwoke niya, “Gi nying Ruoth Nyasayee ma atiyone, ok nakaw gimoro.” Nochune mondo okaw, to Elisha nodagi.

Zaburi 15:4

to ma charo jogo ma Nyasaye odagi. Joma oluoro Nyasaye to omiyo duong’. Pile otimo gima osesingore ni obiro timo, kata bed ni en gima biro hinye en owuon,

Jeremia 1:18

Ji duto manie pinyni, kaka ruodhi mag Juda, gi jodongo gi jodolo kod ji mamoko duto, biro bedo mamon kodi. To kawuono amiyi teko mondo isirgi. Ibiro chalo gi dala mochiel motegno, kendo gi siro mar chuma, kendo gi ohinga mar mula.

Mathayo 22:16

Eka ne gioro jopuonjre maggi kod jo-Herode ire, mi jogo nodhi openje niya, “Japuonj, wang’eyo ni in jaadiera, kendo ipuonjo yor Nyasaye gi adiera, ma ok iluoro wang’ ng’ato, bed ni en ng’ama nadi.