2 Ruodhi 3:12 - MUMA MALER 2015

¹² Jehoshafat nowacho niya, “Ero, jalo e ng’at man gi wach Ruoth Nyasaye.” Mi ruodh Israel gi Jehoshafat kod ruodh Edom ne jodhi ir Elisha.

Motingʼo Loko Manyien

¹² Jehoshafat nowacho niya, “Jalno en ngʼat man-gi wach Jehova Nyasaye.” Omiyo ruodh Israel, Jehoshafat kod ruodh Edom nolor modhi ire.

2 Ruodhi 3:12 ပူးပေါင်းရင်းမြစ်များ

2 Ruodhi 2:21

Eka nodhi e soko, moboloe kado, kowacho niya, “Ruoth Nyasaye owachoo kama: Aseloso pigni maber; chakre kawuono ok nokel tho, kendo ok nomon piny chiek.”

2 Ruodhi 3:11

To Jehoshafat nopenjo niya, “Bende nitie janabi mar Ruoth Nyasaye ka, manyalo penjonwa Ruoth Nyasaye wach?” Achiel kuom jotich ruodh nodwoke niya, “Elisha wuod Shafat, mane tiyo ni Elija, ni ka.”

2 Ruodhi 3:13

Elisha nopenjo ruodh Israel niya, “An gang’o kodi? Dhiyo ir jokor weche ma wuoru gi meru ne dhiye!” To ruodh Israel nokwere ni, “Ok kamano nimar Ruoth Nyasaye ema osechokowa kanyakla, mondo oketwa e lwet jo-Moab.”

2 Ruodhi 5:15

Naaman gi joge duto nodok ir ng’at Nyasaye, mochung’ e nyime, kowachone niya, “Koro ang’eyo ni onge Nyasaye kamoro amora mak mana e Israel; omiyo akwayi ni yie ikawie mich moro matin.”

Isaya 49:23

Ruodhi mag ogendnigo, kaachiel gi mondgi ema nobed ka pidho nyithindigo. Ginikulreni piny, mi ginang’ buru manie tiendi. Eka ining’e ni an e Ruoth Nyasaye, kendo ining’e ni ng’ama ogeno kuoma ok noyud wichkuot.

Isaya 60:14

Yawuot joma ne sandi biro miyi duong’. Adier, joma ne chari biro kulore e tiendi. Giniluongi ni ‘Dala Ruoth Nyasaye’, kendo ni ‘Sayun Dala mar Ng’ama Ler mar Israel’.

Jeremia 37:17

Ruoth Zedekia nogolo chik moter Jeremia ire, kendo kane Jeremia obiro, nopenje ling’ling’ niya, “Bende Ruoth Nyasaye osewachoe wach moro?” Jeremia nodwoke niya, “Ee, osewacho wach moro!” Eka nodhi nyime kowachone ni ruodh Babulon biro make.

Fweny 3:9

To winji, nitie jomoko mag oganda jolemo mar Satan, maluongore ni jo-Yahudi, to ok gin jo-Yahudi, to giriambo ariamba. Abiro miyo gibiro, mi gipodhi e tiendi, kendo ging’e ni aheri.