2 Ruodhi 25:9 - MUMA MALER 2015

⁹ Nowang’o Od Ruoth Nyasaye, gi od ruoth, kod udi duto mag Jerusalem,

Motingʼo Loko Manyien

⁹ Nowangʼo hekalu mar Jehova Nyasaye, kar dak ruoth kod udi duto man Jerusalem. Bende nowangʼo udi duto moger mabeyo.

2 Ruodhi 25:9 ပူးပေါင်းရင်းမြစ်များ

1 Ruodhi 9:7

to anagol jo-Israel e piny mane amiyogi, kendo Hekalu masewalo ni nyingani naketh, mondo olal e wang’a, mi nying Israel nolok ka ngero, kendo gima ji duto jaro.

1 Ruodhi 9:8

To bende Hekaluni nodong’ gunda, kendo ji duto ma kadho bute nowuor kendo nohum, ka gipenjo niya, ‘Ang’o momiyo Ruoth Nyasaye osetimo gima kama ni pinyni gi Hekaluni?’

2 Weche mag Ndalo 36:19

Ne giwang’o Od Nyasaye, mi gimuko ohinga mar Jerusalem. Ne giwang’o ut ruoth duto, kendo ne giketho gik moko duto ma nengogi tek man Jerusalem.

Ezra 5:12

To kata kamano, kwerewa mowang’o i Nyasach polo, mi Nyasaye nochiwogi e lwet Nebukadnezar ja-Kaldea, ruodh Babulon mane omuko odno, kendo otero jowa Babulon e tuech.

Zaburi 79:1

A Nyasaye, ogendini ma ok ong’eyi osedonjo e piny jogi iwuon. Gisemiyo Hekalu mari maler obedo mogak, mi giketho Jerusalem chuth.

Isaya 64:9

A Ruoth Nyasaye, kik ibed gi mirima moloyo kaka owinjore, kata paro richowa ndalo duto. Rangwa wahombi, nikech wan duto wan jogi.

Jeremia 17:27

To ka ok giluora, mi gitamore rito chieng’ Sabato obed maler, kendo giting’o misigo moro amora ka gikadho e dhorangeye mag Jerusalem chieng’no, to anamok mach e dhorangeye mag Jerusalem, mi majno nowang’ ut ruodhi mag Jerusalem, kendo onge ng’ama nonege.”

Jeremia 26:9

Ere gima omiyo ikoro wach e nying Ruoth Nyasaye ni Hekalu biro chalo gi Shilo, kendo ni dalani ibiro kethi, ma onge ng’ama nodagie?” Gikanyono ji nochokore mang’eny, molworo Jeremia ei Hekalu.

Jeremia 34:2

Nowachone mondo odhi onyis Zedekia ruodh Juda niya, “An Ruoth Nyasaye, abiro chiwo dalani e lwet ruodh Babulon, mi nowang’e pep.

Jeremia 34:22

Adier, abiro golo chik, mi jo-Babulon-go biro duogo monjo dalani mi gikaw, kendo giwang’ pep. Abiro ketho miech Juda, mi lokre thim maonge ng’ama dakie. An Ruoth Nyasaye ema awacho kamano.”

Jeremia 37:10

To kata kapo ni uloyo jolweny duto mag Babulon ma monjougo, mi odong’ mana joma ohinyore ma nindo aninda, e hembegi, to joma ohinyorego pod dia malo, mi wang’ Jerusalem pep.”

Jeremia 37:8

Bang’e jo-Babulon biro duogo, mi gimonj Jerusalem, kendo gikawe mi giwang’.

Jeremia 39:8

E kindeno, jo-Babulon nowang’o od ruoth gi ute ji, mi gimuko ohinga mar Jerusalem.

Jeremia 41:5

ji piero aboro nobiro koa Shekem gi Shilo kod Samaria. Ne oyudo giselielo tikgi, mi giyiecho lepgi, kendo gisaro dendgi, bende ne giting’o cham gi ubani mondo gichiw e Hekalu.

Jeremia 52:13

Ne owang’o Hekalu mar Ruoth Nyasaye gi od ruoth kod ut joma dongo duto,

Jeremia 7:14

Omiyo abiro timo ni Hekalu mara mugeno kuome mana kaka natimo ni Shilo. Kata mana dalau mane amiyo kwereuni, bende abiro timone kamano.

Ywagruok 1:10

Wasigu osekawo mwandune duto. Oseneno joma ok jo-Israel ka donjo e Hekalu mare. Gin ogendini mane Ruoth Nyasaye, ikwero ni kik donji e chokruok maler, nimar en chokruok mari.

Ywagruok 2:7

Osedagi kendone mar misango mi ojwang’o Hekalu mare. Nochiwo ut Sayun madongo e lwet wasigu, mi gigoyo koko e od Ruoth Nyasaye mana machal gi koko migoyo chieng’ sawo maduong’.

Ywagruok 5:18

nikech got Sayun osejwang’, mi ondiegi ema bayoe.

Ezekiel 10:2

Nyasaye nowacho ni ng’at mane orwako lewni mabeyo cha niya, “Dhiyo e kind tiende mawirore manie bwo kerubi, mondo ijow mach gi lweti. Bang’e ike majno e dala Jerusalem duto.” Eka ng’atno nodhi, ka aneno.

Ezekiel 16:41

Giniwang’ uti, mi gikumi, mana ka mon mang’eny neno. Kamano anatiek timbeni mag chode, mi iwe chiwo gik moko ni osiepeni.

Tim jo-Lawi 26:31

Analok miechu gundni, mi anaketh kuondeu mag lemo, kendo ok anayie ng’weyo tik misengni mau madum mamit.

Tim jo-Lawi 26:33

Anakeu e kind ogendini, kendo nakel lweny kuomu mi pinyu nodong’ gunda, kendo miechu nokethre chuth.

Amos 2:5

Kuom mano abiro oro mach e piny Juda mondo owang’ kuonde mochiel motegno mag Jerusalem.”

Amos 6:11

Ruoth Nyasaye biro golo chik, mi udi madongo nomuki, mi lokre pidhe, to matindo noteng’ matindo tindo.

Mika 3:12

Gik mutimo ma kamagogo biro miyo ipuro Sayun ka puodho, mi Jerusalem lokre gunda, kendo god Hekalu lokre bungu.