2 Ruodhi 25:4 - MUMA MALER 2015

⁴ Chieng’ due ochiko, due mar ang’wen, jo-Babulon nomwomo ohinga mar dala, mi Zedekia notemo ringo gi jolwenje duto gotieno, kata obedo ni jo-Babulon nosedhogo dala koni gi koni. Ne giluwo rangach mane nie kind ohingni ariyo, ka ging’ado orundu ruoth, mi gichiko yo holo mar Jordan.

Motingʼo Loko Manyien

⁴ Bangʼ mano ohinga mar dala maduongʼno nomuki kendo jolweny duto noringo ka tony gotieno ka gikalo e rangach man e kind ohinga ariyo man but puoth ruoth, kata obedo ni jo-Babulon nolworo dala maduongʼno kamano. Negiringo ka gichomo Araba,

2 Ruodhi 25:4 ပူးပေါင်းရင်းမြစ်များ

2 Ruodhi 25:5

To jolweny mag Babulon nolawo Zedekia, mojuko e paw Jeriko, mi jolwenje duto oringo oweye.

2 Weche mag Ndalo 32:5

Hezekia noketo chunye moloso ohinga kuonde duto momukore, kendo nomedo geroe kuonde maboyo mag ng’icho. Nogero ohinga machielo molworo mokwongono, kendo noloso Milo mane nie dala Daudi mondo obed motegno. Bende noloso gilweny kod okumbni mogundho.

Nehemia 3:15

Shalum Kol-hoze, jatend jo-Mizpa, nogero Ranga Soko, moketone tado, kendo orwako thikene gi radedi kod lodi mage. Bende nogero ohinga, chakre Yap Siloam, kama omanyore gi orundu mar ruoth, nyaka raidhi malor koa e Dala Daudi.

Isaya 22:11

bende unukuny yawo e kind ohinga ma oko kod ohinga maiye mondo pi Soko Machon odonjie. To kata kamano ok nupar Jachuech gik moko duto, kata dewo Jal mane oseloso gigo duto chon, ok nudew.

Isaya 22:3

Jotendu mag lweny duto noringi, kendo nomaki kapok oywayo atungegi. Kata mana jou marateke bende noring kuma bor.

Jeremia 32:4

kendo ni ruoth Zedekia ok notony e lwet jo-Babulon, to ibiro make mi tere e nyim ruodh Babulon mi enonene wang’ gi wang’, kendo nowuo kode dhok gi dhok.

Jeremia 34:3

In ok nitony, to ibiro maki mi teri ire. Ubiro nenoru kode wang’ gi wang’, mi uwuo kode dhok gi dhok. Bang’e inidhi Babulon.

Jeremia 38:18

To ka ok ichiwori e lwetgi, to gibiro kawo dalani, mi giwang’ kendo in ok nitony e lwetgi.”

Jeremia 4:17

Gibiro timo ageng’a ni piny Juda mana ka joma olworo puodho, nikech oganda jo-Juda oseweya. Ruoth Nyasaye ema owacho kamano.

Jeremia 4:29

Ka ji winjo ni joidh farese gi jo asere biro, to ng’ato ka ng’ato noringi. Jomoko noring odhi e bunge, to moko noidh lwendni, mi pond kuno. Mier duto nodong’ nono, ma onge ng’ama odakie.

Jeremia 44:30

kaketo Farao Hofra ma ruodh Misri e lwet wasike madwaro nege, mana kaka naketo Zedekia ruodh Juda e lwet Nebukadnezar ruodh Babulon mane jasike, kendo mane dwaro nege. Anamiu ranyisino mondo ung’e ni nakumu kaeri, kendo ni anakel masira kuomu kaka ne asesingora.’ ”

Jeremia 5:10

Abiro chiko wasikgi mondo ochadh yiend mzabibu maggi, to ok ginikethgi chuth nimar abiro nyisogi mondo gilwer mana bedegi oko nikech ok gin maga.

Ywagruok 1:3

Kane jo-Juda osepodho, mi othirgi, ne otergi e tuech. Koro gidak e kind ogendini, to kuondego bende ok giyudie kue. Joma ne sandogi duto osejukogi, ke gin e thagruok malich kamano.

Ywagruok 1:6

Duong’ duto mane Sayun nigo oselal. Jodonge chalo gi le modenyo ma ok nyal yudo lum, kendo giringo ka gionge teko, ka wasikgi lawogi.

Ezekiel 12:12

Jaduong’ ma jatendgi noting’ misike e goke ka piny olil, kendo noring otony, kowuok gi e otuch ma gipowone e ohinga. Enoum wang’e, kendo ok none kuma odhiye.

Ezekiel 12:14

Eka anake jodonge kaachiel gi joma ng’adone rieko kod joma rite kuonde duto, mi ji nodwargi mondo oneggi.

Ezekiel 12:4

Tue misigo mana ka misik ng’at ma itero e tuech nyaka itim kamano mana godiechieng’ ka gineni, to kochopo odhiambo, to we gine kiwuok ka ng’ama omak, itero e tuech. To yo ma onego iwuoggo ema:

Ezekiel 33:21

Chieng’ due abich, due mar apar, kane wasetieko higni apar gariyo e tuech, ng’at moro mane otony mowuok Jerusalem ne obiro mowachona ni dalano osekaw.

Tim jo-Lawi 26:17

Anabed mosin kodu, mi wasiku nonegu. Unubed e bwo loch joma mon kodu, kendo unubwogru gi ng’wech kata ka onge joma lawou.

Tim jo-Lawi 26:36

Jou modong’ ka ngima e piny wasikgi anago gi kihondko, mi kata mana ka giwinjo ka yamo kwadho it oboke, to giniringi ka joma wasigu lawo, kendo kata obedo ni onge ng’ama lawogi to ginipodh piny,

Zekaria 8:19

“Kinde mag riyo kech e due mar ang’wen gi mar abich gi mar abiriyo kod mar apar biro lokore sewni mag mor gi ilo ni jo-Juda. Omiyo beduru gi adiera kod kue.”

Rapar mar Chik 28:25

Ruoth Nyasaye noketu e lwet wasiku, mi ginilou. Unurad kodgi ka un oganda achiel, to unuringi kuke e sidienje abiriyo, mi unubed joma pinje duto wuoro.

Rapar mar Chik 32:30

Ere kaka ng’at achiel dilaw ji gana achiel, kata ji ariyo riemb ji gana apar, mak mana ka ok Ruoth Nyasaye ma Lwandagi ema oweyogi, moketogi e lwet wasikgi?