2 Ruodhi 25:1 - MUMA MALER 2015

¹ Omiyo chieng’ due apar, due mar apar, e higa mar ochiko mar loch Zedekia, Nebukadnezar ruodh Babulon nobiro gi joge mag lweny, mi gimonjo Jerusalem. Ne gigero kambi oko mar dala, eka ne gichielone ohinga molwore.

Motingʼo Loko Manyien

¹ Omiyo e odiechiengʼ mar apar mar dwe mar apar e higa mar ochiko mar loch Zedekia, Nebukadneza ruodh Babulon nodhi gi jolweny mage duto momonjo Jerusalem. Nolworo dala maduongʼno mi ogoyone agengʼa koni gi koni.

2 Ruodhi 25:1 ပူးပေါင်းရင်းမြစ်များ

2 Ruodhi 24:1

E ndalo Jehoyakim, Nebukadnezar ruodh Babulon nobiro, mi Jehoyakim nobet e bwo lochne kuom higni adek. To bang’e nopiem kode, modagi lochne

2 Ruodhi 24:10

Ndalono jolwenj Nebukadnezar ruodh Babulon nodhi monjo Jerusalem kendo ne gilworo dalano.

2 Ruodhi 25:2

Ne gigoyo ni Jerusalem ageng’a nyaka higa mar apar gachiel mar loch Zedekia.

2 Ruodhi 25:8

Chieng’ due abiriyo due mar abich, e higa mar apar gochiko mar loch Nebukadnezar, jatend joma ne rito ruodh Babulon, nobiro Jerusalem,

1 Weche mag Ndalo 6:15

Kane Nyasaye omiyo Nebukadnezar odaro jo-Juda gi jo-Jerusalem koterogi Babulon e tuech, Jehozadak bende noter kodgi.

2 Weche mag Ndalo 36:11

Zedekia ne jahigni piero ariyo gabich kane odoko ruoth, morito piny kuom higni apar gachiel kodak Jerusalem.

Isaya 29:3

Anabed jasiki, mi agoni ageng’a.

Jeremia 21:2

“Yie ipenjnwa Ruoth Nyasaye wach, nikech Nebukadnezar ruodh Babulon kedo kodwa. Dipo ka Ruoth Nyasaye otimonwa hono moro kaka ne ojatimo, mi ochun Nebukadnezar mondo owewa.”

Jeremia 27:8

“To ka oganda moro otamore tiyo ni Nebukadnezar ruodh Babulon, kata rwako jokne, to lweny gi kech kod tuoche ema nakumgo ogandano nyaka chop ami obed e teko mar Nebukadnezar. An Ruoth Nyasaye ema awacho kamano.

Jeremia 32:1

Ruoth Nyasaye nowuoyo gi Jeremia e higa mar apar mar loch Zedekia ruodh Juda, ma bende ne higa mar apar gaboro mar loch Nebukadnezar ruodh Babulon.

Jeremia 32:2

E ndalono jolweny mag ruodh Babulon ne monjo Jerusalem, kendo noyudo Jeremia janabi otue e laru mar od ruoth.

Jeremia 32:24

“Jo-Babulon osedhuro lowo pidhe pidhe e alwora mar dala, kendo gimonje mondo gikawe. Lweny gi kech kod tuo biro miyo gikawe. A Ruoth Nyasaye, ineno kaka gigo mane iwacho timore.

Jeremia 32:28

Kuom mano, abiro chiwo dalani e lwet Nebukadnezar ruodh Babulon kod joge mag lweny mondo okawe.

Jeremia 4:17

Gibiro timo ageng’a ni piny Juda mana ka joma olworo puodho, nikech oganda jo-Juda oseweya. Ruoth Nyasaye ema owacho kamano.

Jeremia 43:10

Bang’e inyisgi ni Ruoth Nyasaye Manyalo Gik Moko Duto kendo ma Nyasach Israel owacho kama: ‘Abiro luongo Nebukadnezar ruodh Babulon ma jatichna, kendo obiro keto kom lochne ewi kite ma aseketo ka eri, mi ogur hembe e wigi.

Jeremia 50:17

“Jo-Israel chalo gi rombe ma sibuoche lawo kendo keyo. Mokwongo ruodh Asuria ema nomonjogi, mochamogi ka sibuor machamo le. Eka bang’e ruoth Nebukadnezar nobiro momuodo chokegi.

Jeremia 51:34

Ruodh Babulon nokango Jerusalem mochamo. Osenyodho dalano, mobolo kucha mana ka agulu ma iye ni nono, kendo omwonye mana ka ondiek. Ne okawo mana gik mabeyo modwaro, to owito mago ma ok odwar.

Jeremia 52:1

Zedekia ne jahigni piero ariyo gachiel kane odoko ruodh Juda, kendo norito piny kuom higni apar gachiel, kodak Jerusalem. Min mare ne nyinge Hamutal nyar Jeremia ma ja-Libna.

Jeremia 6:3

to ruodhi biro buoro kanyo gi jogi mag lweny, mana kaka jokwath dibi gi rombgi mondo okwa. Gibiro guro hembegi ka gilworou, kendo ng’ato ka ng’ato nokaw gima odwaro.

Ezekiel 21:14

“Koro in wuod dhano, kor wach, kipamo lweti, mondo ligangla omil koni gi koni, ka chadho ji marach. En e ligangla maneko. Adier, en ligangla makelo kihondko kod tho.

Ezekiel 26:7

“An Ruoth Nyasaye awacho kama: Abiro kelo Nebukadnezar ruodh Babulon ma ruoth maduong’ie moloyo ruodhi duto mondo omonji, in Turo. Enobi kowuok yo nyandwat gi oganda lweny maduong’ kod farese gi geche lweny, kaachiel gi joidh farese.

Ezekiel 40:1

Due apar mar higa manyien, ma en higa mar apar gang’wen bang’ kawo Jerusalem, kane wasetieko higni piero ariyo gabich e tuech, ne awinjo ka teko mar Ruoth Nyasaye obiro kuoma, mi oting’a.

Zekaria 8:19

“Kinde mag riyo kech e due mar ang’wen gi mar abich gi mar abiriyo kod mar apar biro lokore sewni mag mor gi ilo ni jo-Juda. Omiyo beduru gi adiera kod kue.”

Rapar mar Chik 28:52

Ginilwor mier duto ma Ruoth Nyasaye nomiu mondo gikau, nyaka gimuk ohinga maboyo kendo motegno muparo ni dugeng’rugo.