2 Ruodhi 24:7 - MUMA MALER 2015

⁷ Ruodh Misri ne ok owuok kendo e pinye, nimar ruodh Babulon nosemaye pinje duto mane nie bwo lochne, chakre aora manie tong’ Misri nyaka chop aora Yufrate.

Motingʼo Loko Manyien

⁷ Ruodh Misri ne ok owuok kendo e pinye nikech ruodh Babulon nokawo tongʼ mage duto chakre Wadi manie piny Misri nyaka e Aora Yufrate.

2 Ruodhi 24:7 ပူးပေါင်းရင်းမြစ်များ

Chakruok 15:18

Chieng’no Ruoth Nyasaye nosingore ni Abram kowacho ne niya, “Pinyni amiyo nyikwayi, chakre aora man e tong’ Misri nyaka aora maduong’ mar Yufrate,

1 Ruodhi 4:21

Solomon nobedo ruodh pinje duto, chakre aora Yufrate, nyaka piny jo-Filistia kod tong’ piny Misri. Jopinjego duto ne chulo osuru, kendo ne tiyo ni Solomon kuom ndalo duto mag ngimane.

Isaya 27:12

Chieng’no Ruoth Nyasaye nochoku un jo-Israel, achiel achiel, chakre aora Yufrate nyaka aora Nael, ka gima ookwanyo olemb yath moyiengi.

Jeremia 46:2

Noloso kuom Misri, kowuoyo kuom jolweny mag Farao Neko ruodh Misri mane Nebukadnezar ruodh Babulon oloyo Karkemish but aora Yufrate e higa mar ang’wen mar loch Jehoyakim wuod Josia ruodh Juda. Weche gogo e mago:

Jeremia 46:6

Jong’uech ok nyal tony. Gichwanyore kendo gipodho yo nyandwat but aora Yufrate.”

Ezekiel 30:21

“Wuod dhano, aseturo bad Farao, ruodh Misri, to onge ng’ama osetueyo badeno, kata mosechome mondo ochangi, obed motegno ma dochak omakgo ligangla kendo.

Ezekiel 30:22

Koro an Ruoth Nyasaye awacho kama: An jasik ruodh Misri, omiyo abiro turo bade mangima gi bade mosetur, mi ligangla noa e lwete mi lwar piny.

Kwan 34:5

kendo nogom kochomo aora manie tong’ piny Misri, mi nogik e Nam Mediterenia.

Joshua 15:4

nyaka Azmon, kendo noluwo aora manie tong’ piny Misri nyaka Nam Mediterenia. Mano e mbapgi ma yo milambo.