2 Ruodhi 24:3 - MUMA MALER 2015

³ Adier, gigo notimore kuom jo-Juda mana kaka Ruoth Nyasaye nowacho, ni mondo ogolgi e nyime. Ruoth Nyasaye nodagi weyonigi kethogi, nikech richo mane Manase otimo,

Motingʼo Loko Manyien

³ Kuom adier gigi notimore ne Juda mana kaka Jehova Nyasaye nochiko, mondo mi ogolgi e nyime nikech richo mar Manase kod gik moko duto mane osetimo,

2 Ruodhi 24:3 ပူးပေါင်းရင်းမြစ်များ

Chakruok 50:20

Ne undhoga mondo utimna gima rach, to Nyasaye noloke gima ber, mondo ores ji mang’eny, ma koro ngima mana nikech wachno.

2 Ruodhi 17:18

Kuom mano, Ruoth Nyasaye nokecho ahinya gi jo-Israel, mi noriembogi e nyime, ma onge modong’ mak mana jo-Juda kende.

2 Ruodhi 17:20

Omiyo Ruoth Nyasaye nodagi nyikwa Israel duto. Nothagogi moketogi e lwet wasigu mane peyogi to achien nogologi e pinygi.

2 Ruodhi 17:23

nyaka Ruoth Nyasaye nogologi e nyime, kaka nosemiyo jonabine duto owacho. Nodarogi moterogi Asuria, kuma gintie nyaka chil kawuono.

2 Ruodhi 18:25

Koso iparo ni asebiro mana ni mondo amonj amonja Jerusalem, akethi, ka ok Ruoth Nyasaye ema ne owachona ni mondo abi amonj pinyni, akethi!”

2 Ruodhi 21:16

To ewi richo duto mane Manase otimo, komiyogo jo-Juda obedo joricho e nyim Ruoth Nyasaye, en ni nomedo chuero remb ji mang’eny maonge ketho, nyaka remo nomol ka ohula e Jerusalem.

2 Ruodhi 24:20

Jo-Jerusalem gi jo-Juda nomiyo Ruoth Nyasaye mirima, nyaka nogologi e nyime.

2 Weche mag Ndalo 24:24

Kata nobedo ni jo-Aram nobiro gi jolweny manok, Ruoth Nyasaye nochiwo oganda maduong’ mag jolweny e lwetgi, nimar jo-Juda noseweyo Ruoth Nyasaye ma Nyasach kweregi. Kamano jo-Aram notimo gima buch Ruoth Nyasaye noseng’ado kuom Joash.

2 Weche mag Ndalo 25:16

Kane pod janabino wuoyo, ruoth nopenje niya, “Waseketi jabuch ruoth koso? Ling’! Koso idwaro tho?” Mi janabi noling’ matin, to bang’e nowacho niya, “Koro ang’eyo ni Nyasaye osechano mondo otieki, nikech isedagi winjo puonjna.”

Wuok 20:5

Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,

Isaya 45:7

Achueyo ler, kendo achueyo mudho. Akelo gueth, to masira bende an ema akelo. An Ruoth Nyasaye ema atimo mago duto.”

Jeremia 32:31

Dalani osemiya mirima mager, chakre chieng’ mane ogeree nyaka chil kawuono, kendo asechano mondo akethe

Jeremia 52:28

Kar rom ji mane Nebukadnezar odaro motero e tuech chal kama: E higa mar abiriyo mar lochne, nodaro ji alufu adek gi piero ariyo gadek.

Ezekiel 22:3

Bende nyisgi ni an Ruoth Nyasaye awacho kama: Usechuero remo mathoth e dalau, kendo usedwanyoru kulamo nyiseche manono, omiyo ndalou chiegni!

Ezekiel 24:6

“Koro an Ruoth Nyasaye awacho kama: Mano kaka dala jonek none malit! Ochalo gi agulu ma nyal ochamo, ma ok nyal lwokore. Goluru ring’o duto e iye, achiel ka achiel, ma ok uweyo moro kata achiel.

Amos 3:6

“Bende tung’ mar lweny nyalo ywak e dala mak omiyo ji luoro? Koso gimoro nyalo timore e dala ka ok Ruoth Nyasaye ema okelo?

Mika 2:10

Auru malo mondo udhi! Ka eri ok en kama onego uyuee. Ubiro rado gi masira.

Rapar mar Chik 28:63

Ruoth Nyasaye nobed mamor kokethou, kendo kotiekou mana kaka nobedo mamor koguedhou kendo omiyo unya, mi nogolu gi thwon e piny ma udonjoe mondo ukau.

Rapar mar Chik 29:28

Osedhuologi gi lop tiendgi e pinygi gi mirimbe mager, mi oterogi e piny machielo ma pod gintie nyaka chil kawuono.’

Joshua 23:15

Adier, Ruoth Nyasaye ma Nyasachu osetimonu gik moko duto mabeyo ma nowacho ni notimnu.