2 Ruodhi 24:17 - MUMA MALER 2015

¹⁷ To ruodh Babulon noketo Matania ma owadgi wuon Jehoyachin mondo obed ruoth kar Jehoyachin. Noloko nying Matania ni Zedekia.

Motingʼo Loko Manyien

¹⁷ Ne oketo Matania, ma owadgi Jehoyakin mondo obed ruoth kare kendo noloko nyinge ni Zedekia.

2 Ruodhi 24:17 ပူးပေါင်းရင်းမြစ်များ

2 Ruodhi 23:34

Eka Farao-neko noketo Eliakim wuod Josia mondo obed ruoth kar Josia wuon mare, kendo noloko nyinge ni Jehoyakim. Jehoahaz to notero Misri, kuma nothoe.

2 Weche mag Ndalo 36:4

Eka noketo Eliakim owadgi Jehoahaz ruodh Juda gi Jerusalem, kendo noloko nyinge ni Jehoyakim. Jehoahaz to notero Misri.

Jeremia 1:3

kendo e ndalo loch Jehoyakim wuod Josia, nyaka due mar abich mar higa mar apar gachiel mar loch Zedekia wuod Josia, kane odar jo-Jerusalem, moter e tuech.

Jeremia 21:1

Ruoth Zedekia nooro Pashur wuod Malkia kod Zefania wuod Maaseya jadolo ir Jeremia kokwaye niya,

Jeremia 37:1

Nebukadnezar ruodh Babulon noketo Zedekia wuod Josia ruodh Juda kar Jekonia wuod Jehoyakim.

Jeremia 49:34

Kane Zedekia osedoko ruodh Juda, Ruoth Nyasaye nowuoyo gi Jeremia janabi kuom piny Elam.

Jeremia 52:1

Zedekia ne jahigni piero ariyo gachiel kane odoko ruodh Juda, kendo norito piny kuom higni apar gachiel, kodak Jerusalem. Min mare ne nyinge Hamutal nyar Jeremia ma ja-Libna.

Ezekiel 17:13

Ne okawo owadgi ruoth moro, mi otimogo winjruok, komiyo kuong’ore. Joma dongodongo to nokawo, mi otero e tuech,

Ezekiel 17:16

“An Ruoth Nyasaye awacho kama: Kaka an e Nyasaye mangima, ruodhni biro tho e piny Babulon, nimar oseketho singruok mane otimo kokuong’ore ni ruodh Babulon, mane okete e tich ruoth.

Ezekiel 23:17

Eka jo-Babulon-go nobiro mondo oterre kode. Ne giriwre kode, mi gidwanye nyaka ne ojok kodgi.

Daniel 1:7

To jatelo maduong’ nochakogi nying manyien. Daniel nochako ni Bethshazar, to Hanania ni Shadrak; Mishael to nochako ni Meshak, kendo Azaria ni Abednego.