2 Ruodhi 24:15 - MUMA MALER 2015

¹⁵ Ruoth kaachiel gi min mare, gi monde gi jotende, kod jodong gwenge.

Motingʼo Loko Manyien

¹⁵ Nebukadneza notero Jehoyakin e twech Babulon, kaachiel gi min ruoth, monde, jodonge kod jodong gwengʼ kogologi Jerusalem.

2 Ruodhi 24:15 ပူးပေါင်းရင်းမြစ်များ

2 Ruodhi 20:18

Yawuoti moko nolok wasumbni. Adier, moko kuom yawuoti hie nolok wasumbni mabuoch e od ruodh Babulon.”

2 Ruodhi 24:8

Jehoyachin ne jahigni apar gaboro kane odoko ruoth, morito piny kuom dueche adek kende, kodak Jerusalem. Min mare ne nyinge Nehushta nyar Elnathan ma ja-Jerusalem.

2 Ruodhi 25:12

To joma odhier ahinya, mane onge gi gimoro, noweyo e piny Juda mondo oti e puothe mzabibu, kendo e puothe mamoko.

2 Ruodhi 25:21

mi ruoth nogolo chik, mi ogogi kendo oneggi kuno e piny Hamath. Kamano e kaka nodar jo-Juda e pinygi, moter e tuech.

2 Ruodhi 25:27

Kane Jehoyachin ruodh Juda osetue higni piero adek gabiriyo, Evil-merodak ruodh Babulon nogonye. Mano notimore chieng’ due piero ariyo gabiriyo, mar due apar gariyo, e higa mane Evil-merodak ochakoe tich ruoth.

1 Weche mag Ndalo 9:1

Jo-Israel duto nokwan koluwore gi dhoutgi, kendo ne ondik nyinggi e Kitap Ruodhi mag Israel gi Juda kane pok odargi kiterogi Babulon e tuech nikech richogi.

2 Weche mag Ndalo 36:10

E ndalo oro ruoth Nebukadnezar nooro joote mokelo Jehoyachin Babulon kaachiel gi mwandu mag Od Ruoth Nyasaye, mi Nebukadnezar noketo Zedekia owadgi Jehoyachin ruodh Juda gi Jerusalem.

Jeremia 13:18

Ruoth Nyasaye nowacho ni Jeremia niya, “Dhiyo inyis ruoth gi min mare mondo joa e kombegi mag duong’ nikech osimbegi mag loch osea e wigi molwar piny.

Jeremia 29:2

Nondiko baruano kane ruoth gi min mare gi jodong od ruoth gi jotend Juda kod jo-Jerusalem gi jotheth kod joma olony e tich lwedo osea Jerusalem.

Jeremia 52:28

Kar rom ji mane Nebukadnezar odaro motero e tuech chal kama: E higa mar abiriyo mar lochne, nodaro ji alufu adek gi piero ariyo gadek.

Ezekiel 17:12

“Penj ane joma jopiemgi ka bende ging’eyo tiend ngerono, nyisgi ni ruodh Babulon ne obiro Jerusalem, mi omako ruodh Jerusalem, kaachiel gi jodonge, odokgo Babulon.

Ezekiel 17:13

Ne okawo owadgi ruoth moro, mi otimogo winjruok, komiyo kuong’ore. Joma dongodongo to nokawo, mi otero e tuech,

Ezekiel 17:3

mondo ging’e gima an Ruoth Nyasaye adwaro wachonigi: “Ne nitie ongo moro maduong’ ahinya mane nigi buombe madongodongo. Dende duto ne yier mabeyo opong’o. Chieng’ moro ne ohuyo modhi e piny Lebanon, mi ojako wi yadh sida.

Ezekiel 19:9

Bang’e ne gitueye gi nyororo, mi gitere ni ruodh Babulon. Ne obole e od tuech, mondo kik ochak owinj dwonde kendo e gode mag Israel.”

Daniel 1:3

Bang’e nogolo chik ni Ashpenaz mane jatelo maduong’ mondo oyier yawuot joka ruodh Israel gi mag jotend Israel.