2 Ruodhi 24:14 - MUMA MALER 2015

¹⁴ Nebukadnezar nodaro jo-Jerusalem duto, kotero jodongo kod jomwandu ma dirom alufu apar e tuech kaachiel gi jotheth, kod ji duto molony kuom tich lwedo. Onge ng’ato mane odong’ mak mana joma odhier.

Motingʼo Loko Manyien

¹⁴ Ruoth Nebukadneza notero jo-Jerusalem alufu apar e twech mane gin jodongo duto kod jolweny, gi joma olony e tich lwedo kod jogoro. Onge ngʼato mane odongʼ makmana joma odhier.

2 Ruodhi 24:14 ပူးပေါင်းရင်းမြစ်များ

2 Ruodhi 24:16

Nogolo jogo duto Jerusalem kaachiel gi jomwandu duto ma dirom alufu abiriyo, gi jotheth kod joma olony kuom tich lwedo ma dirom alufu achiel. Giduto ne gin joma otegno, moromo lweny.

2 Ruodhi 25:12

To joma odhier ahinya, mane onge gi gimoro, noweyo e piny Juda mondo oti e puothe mzabibu, kendo e puothe mamoko.

1 Weche mag Ndalo 9:1

Jo-Israel duto nokwan koluwore gi dhoutgi, kendo ne ondik nyinggi e Kitap Ruodhi mag Israel gi Juda kane pok odargi kiterogi Babulon e tuech nikech richogi.

Ezra 2:1

Koro magi e jo-Juda ma nodok Jerusalem gi Juda koa Babulon, kuma ne Nebukadnezar ruodh Babulon oterogie tuech. Ng’ato ka ng’ato nodok e gweng’gi.

Nehemia 1:2

Hanani ma owadwa nobiro gi jomoko koa Juda. Napenjogi wach Jerusalem, kod wach jo-Yahudi mane odong’ kuom joma nodok kuno, koa e tuech Babulon, kuma nosetergie.

Isaya 3:2

kaka thuondi marateke kod jolweny gi jong’ad bura gi jonabi gi jokor wach gi jodongo

Jeremia 27:20

kane omako Jekonia wuod Jehoyakim ruodh Juda motero Babulon kaachiel gi jodong Juda gi Jerusalem.

Jeremia 28:4

Bende abiro duogo Jekonia wuod Jehoyakim ma ruodh Juda kaachiel gi jo-Juda mane odar moter Babulon e tuech. Adier, abiro turo jok mar ruodh Babulon. An Ruoth Nyasaye ema awacho kamano.”

Jeremia 29:2

Nondiko baruano kane ruoth gi min mare gi jodong od ruoth gi jotend Juda kod jo-Jerusalem gi jotheth kod joma olony e tich lwedo osea Jerusalem.

Jeremia 39:10

Joma odhier ahinya maonge gimoro ema noweyo e piny Juda, mi omiyo puothe mag mzabibu gi mag cham.

Jeremia 40:7

Noyudo jotend lweny moko ma jo-Juda, kod jolwenjgi pok ochiwore e lwet jo-Babulon. Ne giwinjo ni ruodh Babulon oseketo Gedalia wuod Ahikama jatend piny Juda, mondo orit ji duto mane oter e tuech Babulon. Mago ne joma odhierie moloyo e piny Juda.

Jeremia 52:16

To jomoko modhier ahinya, mane onge gi gimoro, noweyo e piny Juda, mondo oti e puothe mzabibu kendo e puothe mamoko.

Jeremia 52:28

Kar rom ji mane Nebukadnezar odaro motero e tuech chal kama: E higa mar abiriyo mar lochne, nodaro ji alufu adek gi piero ariyo gadek.

Ezekiel 17:14

mondo ogandano kik chak ting’re, to mondo obed gi adiera ni winjruok mane otimo ok okethore.

Ezekiel 17:3

mondo ging’e gima an Ruoth Nyasaye adwaro wachonigi: “Ne nitie ongo moro maduong’ ahinya mane nigi buombe madongodongo. Dende duto ne yier mabeyo opong’o. Chieng’ moro ne ohuyo modhi e piny Lebanon, mi ojako wi yadh sida.

Mathayo 1:11

Josia nonywolo Jekonia gi owetene e ndalo mane odarie jo-Israel kitero Babulon.

Mathayo 1:12

To bang’ darogi, Jekonia nonywolo Shealtiel, to Shealtiel nonywolo Zerubabel.

Mathayo 1:17

Kamano gin tienge apar gang’wen, chakre Ibrahim nyaka Daudi, kendo tienge apar gang’wen bende, chakre Daudi nyaka chop kinde mane odarie jo-Israel kitero Babulon. Bang’e nitie tienge apar gang’wen, chakre kinde mane odargieno nyaka ndalo nywol Mesia.

Rapar mar Chik 28:36

“Ruoth Nyasaye biro terou, kaachiel gi ruoth mubiro yiero, kuom oganda ma un ok ung’eyo kata kwereu bende ne ok ong’eyo, kendo kuno unulamie nyiseche mamoko mag yien kod mag kite.

1 Samuel 13:19

Ne ok nyal yud jatheth e piny Israel duto, nikech jo-Filistia ne ok oyie mondo jo-Hibrania othedh ligengni kata tonge.