2 Ruodhi 24:1 - MUMA MALER 2015

¹ E ndalo Jehoyakim, Nebukadnezar ruodh Babulon nobiro, mi Jehoyakim nobet e bwo lochne kuom higni adek. To bang’e nopiem kode, modagi lochne

Motingʼo Loko Manyien

¹ E ndalo loch Jehoyakim, Nebukadneza ruodh Babulon nomonjo piny kendo Jehoyakim nobedo e bwo lochne kuom higni adek. To bangʼe noloko pache mokwedo Nebukadneza.

2 Ruodhi 24:1 ပူးပေါင်းရင်းမြစ်များ

2 Ruodhi 17:5

Eka ruodh Asuria nomonjo pinyno duto, mochopo Samaria. Nolwore kuom higni adek,

2 Ruodhi 24:20

Jo-Jerusalem gi jo-Juda nomiyo Ruoth Nyasaye mirima, nyaka nogologi e nyime.

2 Weche mag Ndalo 36:1

Ji duto noketo Jehoahaz ruoth e Jerusalem kar Josia wuon mare.

Ezra 4:12

Ruoth, mondo ing’e ni jo-Yahudi mane owei mobiro kuondegi, osechopo Jerusalem, kendo ochako gero dala marach ma nong’anyono. Gisepime kendo koro gitieko gero ohingane.

Isaya 36:5

In iparo ni weche awecha nyalo lokore rieko kod teko miloyogo lweny? En ng’a ma igeno ni biro konyi piem koda?

Jeremia 25:1

E higa mar ang’wen mar loch Jehoyakim wuod Josia ma ruodh Juda, Ruoth Nyasaye nowuoyo gi Jeremia kuom jo-Juda. Mano ne higa mokwongo mar loch Nebukadnezar ruodh Babulon.

Jeremia 25:9

‘Abiro kelo ogendini duto moa yo nyandwat, kendo abiro kelo jatichna Nebukadnezar ruodh Babulon. Ogendinigo biro kedo gi pinyni kod joma odakie kendo gibiro kedo gi ogendini duto modak machiegni. Abiro tiekogi chuth, mi piny biro dong’ nono malich, mabwogo ji, kendo ma ji chayo. An Ruoth Nyasaye ema awacho kamano.

Jeremia 35:1

E ndalo loch Jehoyakim wuod Josia ruodh Juda, Ruoth Nyasaye nowacho ni Jeremia niya

Jeremia 35:11

To kane Nebukadnezar ruodh Babulon omonjo pinywani, ne waneno ni ber mondo wabi Jerusalem, dipo ka jolweny mag Babulon gi mag Aram omakowa. Mano emomiyo wadak Jerusalem.”

Jeremia 36:1

E higa mar ang’wen mar loch Jehoyakim ruodh Juda, Ruoth Nyasaye nowacho ni Jeremia niya,

Jeremia 45:1

E higa mar ang’wen mar loch Jehoyakim wuod Josia ruodh Juda, Baruk wuod Neria nondiko weche mane Jeremia owachone. Bang’e Jeremia janabi nonyiso

Jeremia 46:2

Noloso kuom Misri, kowuoyo kuom jolweny mag Farao Neko ruodh Misri mane Nebukadnezar ruodh Babulon oloyo Karkemish but aora Yufrate e higa mar ang’wen mar loch Jehoyakim wuod Josia ruodh Juda. Weche gogo e mago:

Jeremia 50:17

“Jo-Israel chalo gi rombe ma sibuoche lawo kendo keyo. Mokwongo ruodh Asuria ema nomonjogi, mochamogi ka sibuor machamo le. Eka bang’e ruoth Nebukadnezar nobiro momuodo chokegi.

Ezekiel 19:8

Eka ogendini moa kuonde duto nochokore mondo oked kode. Ne gikunyone bur, mi onyumoree.

Ezekiel 21:14

“Koro in wuod dhano, kor wach, kipamo lweti, mondo ligangla omil koni gi koni, ka chadho ji marach. En e ligangla maneko. Adier, en ligangla makelo kihondko kod tho.

Daniel 1:1

E higa mar adek mar loch Jehoyakim ruodh Juda, Nebukadnezar ruodh Babulon nobiro molworo jerusalem mondo okaw.

Daniel 1:2

Ruoth Nyasaye nochiwo Jehoyakim e lwet Nebukadnezar, kaachiel gi gik lemo moko mane pod odong’ ei Hekalu, Jerusalem. Ruoth Nebukadnezar nokawogi, moterogi Babulon ei hekalu mar nyisechene, mi okano gik Hekalu mane oyakogo e od kenone.

Habakuk 1:6

Abiro kelo jo-Babulon, ma oganda mager kendo ma jomrima! Giwuotho e piny ngima ka gimayo jomoko nono miechgi.