2 Ruodhi 23:8 - MUMA MALER 2015

⁸ Bang’e Josia noluongo jodolo mane nie miech Juda, kendo noketho hembko mane jodologo wang’oe ubani, chakre Geba nyaka Beer-sheba. (Bende nomuko hembko mar jochiende mane oger e dhoranga Joshua jaduong’ Jerusalem, bat koracham kidonjo e dala.)

Motingʼo Loko Manyien

⁸ Josia nokelo jodolo duto moa e miech Juda kendo noketho kuonde motingʼore gi malo mane jodologo wangʼoe ubani chakre Geba nyaka Bersheba. Ne omuko gik mochwe mag lemo e dhorangeye kaachiel gi mago mane ni e dhoranga Joshua, jatend dala maduongʼ, mane nitie e bat koracham kidonjo e dala.

2 Ruodhi 23:8 ပူးပေါင်းရင်းမြစ်များ

Chakruok 21:14

Ibrahim nochiew gokinyi, momiyo Hagar chiemo kod puga mar pi. Eka noketo nyathi e gok Hagar, mogole odhi. Hagar nowuok modhi, kendo notho wuotho awuotha e thim Beer-sheba.

Chakruok 21:31

Kuom mano ne ochak kanyo ni Beer-sheba, nikech en e kama ji ariyogo nokuong’oree. (Beer-sheba, to tiende ni, soko abiriyo, kata soko kuong’ruok, nikech rombe abiriyo mane gitimogo singruokno.)

Chakruok 26:23

Isaka nodar oa kuno, mi nodhi Beersheba.

1 Ruodhi 15:22

Eka ruoth Asa noluongo jo-Juda duto, maonge ng’ama odong’. Ne gigolo kite gi yien duto mane Baasha gerogo ohinga mar Rama, mi Ruoth Asa nochielogo Geba manie piny Benjamin, kod Mizpa.

1 Ruodhi 19:3

Elija noluor, mi noringo mondo otony. Kane ochopo Beer-sheba, dala mar Juda, noweyo jatichne kuno.

1 Weche mag Ndalo 6:60

To e piny Benjamin joka Harun noyudoe Geba gi Alemeth koth Anathoth, dala ka dala gi legene. Kamano joka Harun noyudo mier apar gadek.

Isaya 10:29

gisebiro gi yo maluwo Maabara, mi gibworo Geba. Jo-Rama kibaji goyo, kendo jo-Geba, dala Saulo, kihondko omako.

Ezekiel 44:10

“Jo-Lawi mane oringo oweya kaachiel gi jo-Israel mamoko, mi olamo nyiseche manono, nyaka kum kuom richogino.

Amos 5:5

“Kudwaro bedo mangima, to duoguru ira. To kik udhi Bethel, kata kik udhi Gilgal, bende kik ukadh nyaka Beer-sheba, nimar jo-Gilgal ibiro daro mi ter e tuech, kendo Bethel biro lal nono.”

Zekaria 14:10

Piny duto mokiewo gi Jerusalem nobed mopie ka pap, chakre Geba, kochomo milambo nyaka Rimon. Jerusalem to nosik koting’ore ating’a kama entie, chakre dhorangach miluongo ni Dhoranga Benjamin, nyaka dhorangach man yo kama ohinga ogomogo, kendo chakre kama oger mabor mar ng’icho mar Hananel nyaka kuonde mibiyoe mzabip ruoth. (Kuma ohinga ogomogo, chon ne nitie dhorangach moro.)

Joshua 18:24

gi Kefar-amoni, gi Ofni, kod Geba. Giduto ne gin mier apar gariyo, ka ok okwan mier matindo mane okiewo kodgi,

Joshua 21:17

To e piny jo-Benjamin nomigi mier ang’wen mane gin Gibeon gi Geba

Jong’ad Bura 20:1

Jo-Israel duto, chakre Dan nyaka Beer-sheba, kaachiel gi Gilead, noyworo ni lweny, mochokore Mizpa e nyim Ruoth Nyasaye maonge ng’at modong’.