2 Ruodhi 23:5 - MUMA MALER 2015

⁵ Nogolo jodolo mag nyiseche manono mane ruodhi mag Juda oketo mondo owang’ ubani e hembko mag miech Juda, kod mag gwenge mokiewo kod Jerusalem, kendo nogolo joma ne wang’o ubani ni Baal gi wang’chieng’ gi due kod sulue duto.

Motingʼo Loko Manyien

⁵ Ne oriembo jodolo mag nyiseche manono mane ruodhi mag Juda oketo mondo owangʼ ubani kuonde motingʼore gi malo mag miech Juda kod mago molworo Jerusalem kendo noriemb joma ne wangʼo ubani ne Baal, gi chiengʼ, dwe kod sulwe.

2 Ruodhi 23:5 ပူးပေါင်းရင်းမြစ်များ

2 Ruodhi 21:5

Bende nogero kende mag misango ni sulue duto e laru ariyo mag Od Ruoth Nyasaye.

2 Weche mag Ndalo 33:3

Nochako oloso hembko man kuonde moting’ore mane Hezekia wuon mare oseketho, kendo nogero kuonde liswa ni Baal. Nochungo sirni milamo, kendo nolamo sulue duto kotiyonigi.

2 Weche mag Ndalo 34:4

Nogolo chik, mi ji omuko kende-mag-liswa mag Baal, kaachiel gi kende miwang’oe ubani mane ochung’ e wigi. Nomuko sirni milamo kod kido mopa gi mothedhi, eka notoyogi molokogi buru, kendo nokiro burugo e liete joma nosetimonigi liswa.

Ayub 38:32

Bende inyalo miyo Oluoro-Budho wuogi e sa moketne? Koso inyalo chiko Ratego e yo monego oluw?

Ezekiel 8:6

Ruoth Nyasaye nomedo wachona niya, “Wuod dhano, bende ineno gik makuero ma jo-Israel timo mondo oriemba adhi mabor gi Hekalu mara? To pod ibiro mana neno gik maricho moloyo mago!”

Hosea 10:5

Kihondko nomak joma odak Samaria, kendo giniywag nyaroya molos gi dhahabu man Bethel. Gin kaachiel gi jodolo matiyo ni nyasaye manonono noywag koneno ka itero girgi ma gigeno kuome Asuria

Zefania 1:4

“Abiro kumo jo-Juda kod jo-Jerusalem duto, mondo atiek tich lamo Baal duto mitimo ka, mi kata mana nying jodolo manono ok nowinji.