2 Ruodhi 23:20 - MUMA MALER 2015

²⁰ Jodolo duto mane Josia onwang’o e hembko nonego e kende-mag-misango. Eka nodok Jerusalem.

Motingʼo Loko Manyien

²⁰ Josia nonego jodolo duto mag nyiseche milamo kuonde motingʼore gi malo mowangʼogi e kende mag misengini. Bangʼ mano nodok Jerusalem.

2 Ruodhi 23:20 ပူးပေါင်းရင်းမြစ်များ

1 Ruodhi 13:2

Ng’at Nyasayeno nokuong’o kendo-mar-misango kaka Ruoth Nyasaye nochike, koywage niya, “Yaye, kendo-mar-misango! Yaye, kendo-mar-misango! Ruoth Nyasaye owacho kama: Enonywol wuowi e dhood Daudi, ma nochak nyinge ni Josia. Enoneg jodolo mag hembko man kuonde moting’ore, ma wang’o ubani kuomi, kendo enowang’ choke ji kuomi.”

1 Ruodhi 18:40

Elija nokonogi niya, “Makuru jonabi mag Baal. Kik uwe kata achiel tony.” Ne gimakogi, mi Elija noterogi mwalo e aora Kishon, monegogi kuno.

2 Ruodhi 10:25

Kane Jehu osetieko wang’o misango, nowacho ni askechego kod jotendgi niya, “Donjuru, uneggi; kik uwe ng’ato tony!” Kane askechego kod jotendgi osenegogi, ne giwito ringregi oko. Eka ne gidonjo e od Baal maiye,

2 Ruodhi 11:18

Mi ji duto nodhi momuko od Baal, kendo ne ginego Matan jadolo mar Baal e nyim kende mag liswago. Jehoyada noketo jorit e Od Ruoth Nyasaye.

2 Weche mag Ndalo 34:5

Bende nowang’o choke jodolo e kende mane gitimoe liswa, kopwodho Juda gi Jerusalem.

Wuok 22:19

“Ng’ato moterore gi chiayo nyaka negi.

Wuok 22:20

“Ng’ato motimo liswa ni nyasaye moro, ma ok Ruoth Nyasaye, nyaka negi.

Isaya 34:6

Ligangla mar Ruoth Nyasaye notim remo lilo, kendo boche nogawre kuome, mana ka gima gin boche mag nyiroke imbe, kod remb rombe gi diek mitimogo misango, nimar Ruoth Nyasaye biro timo misango Bozra, dala Edom. Ee, obiro neko malich e piny Edom.

Tim jo-Lawi 26:30

Anaketh kuonde hembko mau, kendo anamuk kendeu mag ubani. Anadhur ringreu motop kuom kido motop mag nyisecheu manono, kendo najwang’u.

Rapar mar Chik 13:5

To nyaka neg jakor wachno kata jalekno, nimar osewuoyo marach kodwaro ni mondo utamru winjo wach Ruoth Nyasaye ma Nyasachu mane oresou, kagolou Misri, kama nubedoe wasumbni. Ng’atno osetemo witou mondo uwe yo mane Ruoith Nyasaye ma Nyasachu ochikou mondo uluw. Kunege kamano, eka unugol richo ma kama kuomu.