2 Ruodhi 23:2 - MUMA MALER 2015

² Nodhi e Od Ruoth Nyasaye gi jo-Juda kod jo-Jerusalem duto; joma omew gi jochan machalre, kaachiel gi jodolo kod jonabi, mi nosomonigi weche duto mane nie kitap singruok mane nie Od Ruoth Nyasaye.

Motingʼo Loko Manyien

² Nodhi nyaka e hekalu mar Jehova Nyasaye ka en gi jo-Juda, jo-Jerusalem, jodolo, jonabi kaachiel gi ji duto momewo kod ma jochan. Nosomonegi weche duto mane ondiki e Kitabu mar Singruok, mane osenwangʼ e hekalu mar Jehova Nyasaye ka giwinjo.

2 Ruodhi 23:2 ပူးပေါင်းရင်းမြစ်များ

Chakruok 19:11

Eka ne gimiyo wang’ jogo duto mane ni oko odinore, mane ok ginyal yudo dhoot.

1 Ruodhi 8:9

Ne onge gimoro ei Sanduk mak mana kite ariyo mopa, mane Musa oketoe kane en Horeb, kuma Ruoth Nyasaye notimoe winjruok gi jo-Israel ka gia e piny Misri.

2 Ruodhi 22:8

Kindeno ema Hilkia jadolo maduong’ nowachoe ni Shafan jagoro niya, “Aseyudo Kitap Chik e Od Ruoth Nyasaye.” Mi nomiyo Shafan kitabuno, mosomo.

2 Weche mag Ndalo 15:13

kendo mondo oneg ng’ato ang’ata, matin kata maduong, ma dichwo kata madhako, ma ok dwar luwo Ruoth Nyasaye ma Nyasach Israel.

2 Weche mag Ndalo 17:9

Ne giwuotho e miech Juda duto gi Kitap Chike mag Ruoth Nyasaye ka gipuonjogo ji.

Nehemia 13:1

Chieng’no kane osom kitap Musa e nyim ji, noyud kondik ni ja-Amon kata ja-Moab ok onego donji e chokruok mar jo-Nyasaye nyaka chieng’,

Nehemia 9:3

Kane gichung’ kamano, kitap chik mar Ruoth Nyasaye ma Nyasachgi nosom kuom seche adek, eka ne gihulo richogi kendo gilamo Ruoth Nyasaye ma Nyasachgi kuom seche adek mamoko.

Ayub 3:19

Ji mopogore opogore ni kanyo, ei liel, joma dongo gi joma tindo machalre, ma kata mana wasumbni bende bedo maonge e bwo chik.

Zaburi 115:13

Ee, obiro guedho ji duto moluore, bed ni gin joma dongo kata joma tindo.

Jeremia 34:8

Ruoth Nyasaye nowuoyo gi Jeremia, kane ruoth Zedekia osetimo winjruok gi jo-Jerusalem mondo ogony wasumbni maggi odhi.

Tich Joote 26:22

To Nyasaye nokonya, omiyo nyaka chil kawuono asebedo ka achung’ kendo ka anyiso ji duto, madongo gi matindo, weche ma aseneno. Gima awacho en mana gima Jonabi kod Musa ne jowacho ni notimre.

Rapar mar Chik 31:26

“Kawuru kitap chikni, uket e bath Sandug Muma mar Ruoth Nyasaye ma Nyasachu, mondo obednu kanyo ka rapar,

Fweny 20:12

Bende ne aneno joma otho, madongo gi matindo, kochung’ e nyim kom duong’, kendo noel kitepe. Eka kitabu machielo, ma en kitap ngima bende noel. Joma otho nong’adnigi bura kuom gik mane gitimo, kaluwore gi weche mane ondik e kitepego.

1 Samuel 30:2

To mond dalano kod ji duto matindo gi madongo, ne gimako gidhigo, ma ok ginego kata achiel

1 Samuel 5:9

Kane gisetere, eka Nyasaye nochako sando jo-Gath ahinya. Nogoyo jodalano, matindo gi madongo gi tuo mar buche mokwodogi.