2 Ruodhi 23:19 - MUMA MALER 2015

¹⁹ Bende Josia noketho od lemo mane nie hembko man kuonde moting’ore, mane ruodhi mag Israel ogero e miech Samaria, kamiyogo Ruoth Nyasaye mirima.

Motingʼo Loko Manyien

¹⁹ Josia nomuko kendo oketho kuonde duto motingʼore gi malo mitimoe misengini mane ruodhi mag Israel ogero e miech Samaria mane omiyo Jehova Nyasaye mirima mana kaka notimo Bethel.

2 Ruodhi 23:19 ပူးပေါင်းရင်းမြစ်များ

1 Ruodhi 12:31

Nogero ut liswa e hembko mane oseloso moketoe jodolo moa e dhoudi duto, kata mane ok nyikwa Lawi.

1 Ruodhi 13:32

nimar wach Ruth Nyasaye nochopo kare, kaka jali nowacho kokuong’o kendo-mar-misango man Bethel, kod ut lemo manie hembko mag miech Samaria.”

1 Ruodhi 16:33

kendo nochungo siro milamo miluongo ni Ashera. Nomiyo Ruoth Nyasaye ma Nyasach Israel mirima moloyo ruodhi duto mag Israel ma nokwongone.

2 Ruodhi 17:9

Jo-Israel noyanyo Ruoth Nyasaye ma Nyasachgi, kendo ne gigero ut lemo e hembko mane nie miechgi matindo gi madongo duto.

2 Ruodhi 21:6

Nowang’o wuode bende, kotimogo misango. Noyie gi jokor wach gi jo nyakalondo kod ajuoke. Timbene maricho ne ng’eny e nyim Ruoth Nyasaye, omiyo mirima nomako Ruoth Nyasaye.

2 Ruodhi 8:18

Noluwo timbe ruodhi mag Israel, kaka jodhood Ahab notimo, nikech nokendo nyar Ahab. Timbene ne richo e nyim Ruoth Nyasaye.

2 Weche mag Ndalo 31:1

Kane mago duto oserumo, jo-Israel duto mane osechokore Jerusalem nodhi e miech Juda. Ne gimuko sirni milamo mag kite gi mag yien, gi ut lemo mag hembko, kod kende-mag-liswa e piny Juda gi Benjamin kod Efraim gi Manase, nyaka ne gitieko kethogi duto te. Eka jo-Israel duto nodok e miechgi.

Zaburi 78:58

Ne giwang’o iye ka gilemo e hembko man kuonde moting’ore, kendo ne gimiyo nyiego omake, ka gilamo kido mag nyiseche manono.

Mika 6:16

Useluwo timbe maricho mag ruodh Omri, gi mag dhood Ahab, kendo pok uweyogi. Omiyo abiro tiekou, mi jou bed joma ichayo. Adier, ogendini mamoko duto biro mana charou.”