2 Ruodhi 23:14 - MUMA MALER 2015

¹⁴ Noturo sirni mag kite gi mag yien mane ji lamo, motoyogi matindotindo, mi kuonde mane gichungie nodino gi choke ji.

Motingʼo Loko Manyien

¹⁴ Josia notoyo kite milamo kendo ongʼado siro mar Ashera mi oumo kuondego gi choke ji.

2 Ruodhi 23:14 ပူးပေါင်းရင်းမြစ်များ

2 Ruodhi 18:4

Noketho ut lemo mag hembko, kaachiel gi sirni milamo mag kite gi mag yien. Thuond mula mane Musa oloso, bende nong’ado matindotindo, nikech nyaka chop ndalogo, jo-Israel ne pod wang’oe ubani. Thuondno niluongo ni Nekushtan, (tiende ni, gima olos gi mula.)

2 Ruodhi 23:16

Kane Josia owichore, noneno liete ewi got. Nooro ji, mogolo choke e lietego, mi ne giwang’ogi e kendo-mar-misango. Kamano noketho kendono, kaluwore gi wach Ruoth Nyasaye mane ng’at Nyasaye okoro kane Jeroboam ochung’ e dho kendo chieng’ sawo cha. Eka Josia noting’o wang’e, moneno liend ng’at Nyasaye mane okoro wechego.

Wuok 23:24

To kik ukulru ni nyiseche jogo, kata kik ulamgi. Bende kik utim gik ma jogo timo. Nyaka uketh nyisechegi chuth, kendo nyaka umuk sirni maggi ma gilamo.

Wuok 34:13

Nyaka umuk kendegi mag liswa, kendo uketh sirni maggi milamo, mag kite gi mag yien.

Isaya 27:9

Kapok richo mag jo-Israel opwodhi, to nyaka giketh kendegi mag liswa, mi gireg kitegi olokre buru, kendo ging’ad oko yien gi sirni duto milamo.

Isaya 44:19

Ng’at machal kamano onge gi paro kata rieko ma onyalo penjorego kende niya, “Bath yadhni konchiel ne achwako, mi atedogo makati. Bende asebuloe ring’o mi achamo, to koro ere kaka dalok dire konchiel modong’ bed nyasaye? Koso ere gima omiyo onego akulra piny, kalamo mana osiki motong’ mar yath?”

Ezekiel 6:5

Anabol ringre jo-Israel moketho e nyim nyisechegi manono, kendo anake chokegi kuonde duto ma gitimoe misango.

Mika 1:7

Kido mopa mag nyisechegi ibiro toyo matindo tindo kendo wang’ gi mach, mi lokre pidhe mag yugi. Ji noloso nyiseche manono gi mwandu mane giyudo kuom weyo Nyasaye, omiyo koro gibiro yudo gima romre gi richo mar weyo Nyasaye.”

Kwan 19:16

Kata ka ng’at man oko omulo ng’at moneg e lweny kata ng’at ma otho athoya, kata omulo choke dhano kata mana liel obedo mogak kuom ndalo abiriyo.

Kwan 19:18

Bang’e ng’at ma ok ogak nokaw owino mi nolut e pigno, eka nokir e hema kod e gik moko manie iye, kaachiel gi ji duto ma tho ng’atno oyudo kanyo. Ng’at momulo choke dhano, kata ng’at monegi, kata ng’at motho athoya, kata momulo liel, bende nokir pigno kuome.

Kwan 33:52

Nyaka uriemb ji duto modak e pinyno mondo owenu thuolo, kendo uketh kido maggi mopa kod mag mula moleny

Rapar mar Chik 7:5

Kuom mano, onego utimnigi mana kama: Mukuru kendegi mag liswa, kendo kethuru sirni maggi milamo mag kite gi mag yien, mi uwang’ kido mag nyisechegi manono,