2 Ruodhi 23:12 - MUMA MALER 2015

¹² Nomuko kende-mag-misango mane nie wi gorofa mar od Ahaz, mane ruodhi mag Juda oloso e laru ariyo mag od Ruoth Nyasaye. Notoyogi matindotindo, mopuko ng’injogi e aora Kidron.

Motingʼo Loko Manyien

¹² Nomuko kende mag misango mane ruodhi mag Juda ogero ewi tat od Ahaz, bende nomuko kende mag misango mane Manase ogero e laru ariyo mar hekalu mar Jehova Nyasaye. Nogologi kanyo, motoyogi matindo tindo kendo opuko ngʼinjogo e holo mar Kidron.

2 Ruodhi 23:12 ပူးပေါင်းရင်းမြစ်များ

1 Ruodhi 15:13

Bende nogolo Maaka e duong’ne mar bedo min ruoth, nikech noloso kido makuero, maket gi nyasaye madhako miluongo ni Ashera. Asa nomuko gima ketno, mowang’o e dho aora Kidron.

2 Ruodhi 10:26

mi gigoloe siro mane ji lamo, mi giwang’o.

2 Ruodhi 21:4

Nogero kende mag liswa e Hekalu mane Ruoth Nyasaye osewuoyo kuome niya, “Jerusalem ema naketie nyinga.”

2 Ruodhi 21:5

Bende nogero kende mag misango ni sulue duto e laru ariyo mag Od Ruoth Nyasaye.

2 Ruodhi 23:4

Eka ruoth nochiko Hilkia jadolo maduong’, gi jadolo maluwe, kod jorit dhoot, ni mondo gik moko duto milamogo Baal gi siro miluongo ni Ashera kod sulue, ogol e Od Ruoth Nyasaye. Nowang’ogi e bath Jerusalem e paw aora Kidron, mi notero buchgi nyaka Bethel.

2 Ruodhi 23:6

Nogolo siro milamo miluongo ni Ashera e Od Ruoth Nyasaye, motero e dho aora Kidron e bath Jerusalem. Nowang’e kanyo but aora, motoye matindotindo nyaka olokore buru. Eka nokawo buche, mopuko e liete ji ajiya.

2 Weche mag Ndalo 15:16

Bende Asa nogolo Maaka min mare e duong’ne mar bedo min ruoth, nikech noloso kido makuero maket gi nyasaye ma dhako miluongo ni Ashera. Asa nomuko gima ketno, mong’ade matindotindo, kendo nowang’e e dho aora Kidron.

2 Weche mag Ndalo 33:15

Nogolo nyiseche manono kaachiel gi kido mar nyasaye manono mane nie Od Ruoth Nyasaye, kendo nomuko kende-mag-liswa duto ma noseloso e god Hekalu kendo Jerusalem, mi nowitogi oko.

2 Weche mag Ndalo 33:5

Nogero kende-ma-liswa ni sulue duto e laru ariyo mag Od Ruoth Nyasaye.

Jeremia 19:13

Naketh udi mag Jerusalem gi ut ruodhi Juda, to moloyo udi duto ma osewang’ ubani ewi tetgi ni sulue, kendo ma osepukie lisweche miolo piny ni nyiseche mamoko, mi ginibed mogak mana ka Tofeth.”

Jeremia 31:40

To holo duto kama owitie ringre joma otho, kendo owitie yugi, nobed kama ler moyangna, kaachiel gi pewe duto manie geng aora Kidron nyaka ranga Farese, koma ochomo yo wuok chieng’. Dala Jerusalem ok nochak omuki, bende ok nochak okethe.”

Zefania 1:4

“Abiro kumo jo-Juda kod jo-Jerusalem duto, mondo atiek tich lamo Baal duto mitimo ka, mi kata mana nying jodolo manono ok nowinji.

Zefania 1:5

Bende abiro tieko ji maidho ewi udi, kendo kulore piny kalamo gik manie kor polo, Kod joma lama an Ruoth Nyasaye, to kendo kuong’ore gi nying Milkom, nyasaye manono,

Rapar mar Chik 22:8

“Ka igero ot, to nyaka iriw rageng’ e lak tado gi yo ka oko, mondo kik ng’ato podhi koa e wi tatino, mi kel bura mar remo kuom odi.