2 Ruodhi 23:11 - MUMA MALER 2015

¹¹ Nogolo kido mag farese mane ruodhi mag Juda oseketo ni wang’chieng’.

Motingʼo Loko Manyien

¹¹ Nogolo kido mar farese mane ruodhi mag Juda oseketone wangʼ chiengʼ e dhoranga hekalu mar Jehova Nyasaye. Ne gin e laru mantie machiegni gi od jatelo ma nyinge Nathan-Melek. Bangʼ mano Josia nowangʼo geche mane itiyogo kuom lamo wangʼ chiengʼ.

2 Ruodhi 23:11 ပူးပေါင်းရင်းမြစ်များ

2 Ruodhi 23:5

Nogolo jodolo mag nyiseche manono mane ruodhi mag Juda oketo mondo owang’ ubani e hembko mag miech Juda, kod mag gwenge mokiewo kod Jerusalem, kendo nogolo joma ne wang’o ubani ni Baal gi wang’chieng’ gi due kod sulue duto.

1 Weche mag Ndalo 26:18

Ji auchiel ne rito laru mochiel gi sirni man yo podho chieng’. Ang’wen kuomgi ne rito yo michopogo e laruno, to ariyo ne rito laru hie.

2 Weche mag Ndalo 14:5

Noketho hembko duto mane ni kuonde moting’ore gi kende mag ubani e miech Juda duto, mi piny nokue e ndalo lochne.

2 Weche mag Ndalo 34:4

Nogolo chik, mi ji omuko kende-mag-liswa mag Baal, kaachiel gi kende miwang’oe ubani mane ochung’ e wigi. Nomuko sirni milamo kod kido mopa gi mothedhi, eka notoyogi molokogi buru, kendo nokiro burugo e liete joma nosetimonigi liswa.

Ayub 31:26

bende pok aselamo wang’ chieng’ mang’angnini, kata mana due marieny maberni pok alamo.

Ezekiel 40:17

Ng’atno nokawa mokadho koda e dhorangach nyaka e laru moro. Kuno ne nitie udi piero adek momakore gi ohinga maoko, to e nyim udigo ne nitie kama ochanie kite mopamore

Ezekiel 8:16

Eka ne otera e laru maiye mar Hekalu, kuma ne nitie ji piero ariyo gabich but dhoranga Hekalu, e kind kendo-mar-misango gi kama ikadhoe. Ne giseloko dieng’egi ni Kama Ler, ka gikulore koma ochomo yo wuok chieng’, kendo gilamo chieng’ mawuok gokinyi.

Rapar mar Chik 4:19

Bende kung’iyo polo, muneno gik moko duto mantie, kaka chieng’ gi due kod sulue, to kik gimoro ywau mondo ukulrunigi kata ulamgi. Gik ma kamago Ruoth Nyasaye osechiwo ni ogendini mamoko e piny duto ka gik ma gilamo.