2 Ruodhi 22:7 - MUMA MALER 2015

⁷ To kik penjgi kaka gitiyo gi pesa momigi, nikech gin joma ogen.”

Motingʼo Loko Manyien

⁷ To kik penjgi kaka gitiyo gi pesa momigi nikech gin joma ogen.”

2 Ruodhi 22:7 ပူးပေါင်းရင်းမြစ်များ

2 Ruodhi 12:15

To bende ne ok penj kaka pesa tiyo, nikech joma nomi pesa mondo ochul jotich ne gin joma ogen.

2 Ruodhi 22:6

mondo gichulgo jotich bao gi jogedo kod jopa kite maloso kuonde mokethore e Od Ruoth Nyasaye, kendo mondo ging’iewgo yien gi kite mopa milosogo kuonde mokethorego.

2 Weche mag Ndalo 24:14

Kane gisetieko tich, ne gikelo pesa modong’ ni ruoth gi Jehoyada, mi ne gilosogo tewni mag ubani gi agulini mag dhahabu gi mag fedha mondo okonyruokgo e Od Ruoth Nyasaye kuom misengni miwang’o pep, kod tije moko mag Hekalu. Ne gitimo misengni miwang’o pep e Od Ruoth Nyasaye pile pile ndalo duto mag Jehoyada.

Nehemia 7:2

Bende naketo Hanani owadwa gi Hanania mane jatend kama ochiel motegno, mondo jobed jotend Jerusalem. Nayiero Hanania nikech ne en ng’at mogen kendo moluoro Nyasaye moloyo joma moko duto.

Ngeche 28:20

Ng’at makare dak malong’o e ngima maber, to ng’at ma rikni mondo oyud mwandu nyaka yud kum.

1 Jo-Korintho 4:2

To gima dwarore kuom jorit en ni nyaka gibed joadiera.

2 Timotheo 2:2

Weche duto mane iwinjo ka apuonjo e nyim joneno mang’eny, to in bende nyaka inyis joma igeno, ma bende nyalo puonjo jomoko.

3 Johana 1:5

Osiepna, in jaadiera kuom gimoro amora mitimo ni owete, kata ka gin joma welo.