2 Ruodhi 22:3 - MUMA MALER 2015

³ Kane Josia obedo ruoth, kuom higni apar gaboro, nooro Shafan jagoro wuod Azalia ma wuod Meshulam e Od Ruoth Nyasaye, kowachone niya,

Motingʼo Loko Manyien

³ E higa mar apar gaboro mar lochne, ruoth Josia nooro jagoro ma en Shafan wuod Azalia, ma wuod Meshulam, e hekalu mar Jehova Nyasaye kowacho niya,

2 Ruodhi 22:3 ပူးပေါင်းရင်းမြစ်များ

2 Ruodhi 12:10

To kane gineno ni pesa ng’eny e sanduk, to jagoro mar ruoth gi jadolo maduong’ ne jodhi e Od Ruoth Nyasaye kwano pesa, kendo tueyogi e kirope.

2 Ruodhi 23:23

To e higa mar apar gaboro mar loch Josia kende ema ne otimie Pasaka makama ni Ruoth Nyasaye, Jerusalem.

Jeremia 1:2

Wach Ruoth Nyasaye nobirone e higa mar apar gadek mar loch Josia wuod Amon, ruodh Juda,

Jeremia 36:10

Eka Baruk nosomonigi weche duto mane Jeremia owachone, mi ondiko e kitabu. Ne osomo wechego e Hekalu gi e od Gemaria wuod Shafan ma jang’ad ni ruoth rieko. Odno ne nie laru mamalo e dhoranga Hekalu miluongo ni ‘Rangach Manyien.’

Jeremia 36:11

Kane Mikaya wuod Gemaria ma nyakwar Shafan owinjo ka Baruk somo weche Ruoth Nyasaye e kitabuno,

Jeremia 36:12

ne odhi e dala ruoth modonjo ei od jang’ad ni ruoth rieko, kama ne oyudo jotelo duto nitie ka yalo. Elishama ma jang’ad ni ruoth rieko, kod Delaya wuod Shemia gi Elnathan wuod Akbor, gi Gemaria wuod Shefan gi Zedekia wuod Hanania kod jotelo mamoko duto ne oyudo ni kuno.