2 Ruodhi 22:2 - MUMA MALER 2015

² Timbe Josia ne long’o e nyim Ruoth Nyasaye, kendo noluwo timbe duto mag Daudi kwar mare, ma ok oweyo kata achiel.

Motingʼo Loko Manyien

² Timbe Josia ne longʼo e wangʼ Jehova Nyasaye kendo nowuotho e yore duto mag Daudi kwar-gi, ma ok olokore kongʼiyo korachwich kata koracham.

2 Ruodhi 22:2 ပူးပေါင်းရင်းမြစ်များ

1 Ruodhi 11:38

Kiwinjo wechena duto, kendo kiwuotho e yorena, mi itimo gima long’ona, kirito chikena kod buchena kaka Daudi jatichna notimo, eka nabed kodi, kendo nagur dhoodi mosiko, kaka naguro dhood Daudi; kendo anamiyi piny Israel.

1 Ruodhi 15:11

Timbe Asa ne long’o e nyim Ruoth Nyasaye, mana kaka timbe Daudi kwar mare.

1 Ruodhi 15:5

nimar Daudi notimo gik malong’o ni Ruoth Nyasaye, kendo e ngimane duto ne ok oketho wach moro mane ochike, mak man wach Uria ja-Hiti.

1 Ruodhi 3:6

Solomon nodwoke niya, “Ninyiso hera mosiko ni Daudi wuora ma jatichni, mane wuotho e nyimi gi adiera, kendo kuom dimbruok gi chuny makare. Bende pod inyise hera mosikono nyaka chil kawuono, nimar isemiyo wuode obedo ruoth kare.

2 Ruodhi 12:3

To kata kamano ne ok oketho hembko mane ni kuonde moting’ore, kendo ji ne pod timo misengni, kendo wang’o ubani kuondego.

2 Ruodhi 14:3

Timbe Amazia ne long’o e nyim Ruoth Nyasaye, to ok machal gi Daudi kwar mare. Noluwo timbe duto mag Joash wuon mare,

2 Ruodhi 16:2

Ne en jahigni piero ariyo kane ochako tich, morito piny kuom higni apar gauchiel, kodak Jerusalem. To timbene ne ok long’o e nyim Ruoth Nyasaye kaka timbe Daudi wuon mare ne long’o.

2 Ruodhi 18:3

Timbe Hezekia ne long’o e nyim Ruoth Nyasaye mana kaka timbe Daudi kwar mare.

2 Weche mag Ndalo 17:3

Ruoth Nyasaye ne konyo Jehoshafat nimar Jehoshafat noluwo timbe mokwongo mag wuon mare ka ok oluwo Baal.

2 Weche mag Ndalo 29:2

Timbe Hezekia ne long’o e nyim Ruoth Nyasaye, kaka timbe Daudi kwar mare.

2 Weche mag Ndalo 31:20

Kamano e kaka Hezekia notimo e piny Juda duto. Timbene ne beyo e nyim Ruoth Nyasaye ma Nyasache, kendo ne ok oweye.

2 Weche mag Ndalo 34:1

Josia ne jahigni aboro kane odoko ruoth, morito piny kuom higni piero adek gachiel, kodak Jerusalem.

Ngeche 20:11

Timbe nyathi ema nyiso kite, omiyo inyalo ng’eyo ka kite ber kata rach.

Ngeche 4:27

Tang’ ni richo, kendo kik iwe yo makare, kibaro koracham kata korachwich.

Zefania 1:1

Ma e wach Ruoth Nyasaye mane obiro ni Zefania wuod Kushi ma wuod Gedalia, ma wuod Amaria ma wuod Hezekia, e ndalo Josia wuod Amon, ruodh Juda.

Rapar mar Chik 5:32

“Ruoth Nyasaye ma Nyasachu osemiyou chikegi, omiyo ritgiuru maber.

Joshua 1:7

To bed mana gi chir, kendo gi jing’o, kiluwo chik duto mane Musa jatichna omiyi. Kik iwe chikno, kibaro koracham kata korachwich, mi inibed gi hawi kuonde duto midhiye.