2 Ruodhi 22:19 - MUMA MALER 2015

¹⁹ ‘Kane iwinjo wechena mane awacho kuom pinyni kod joma odakie, ni ginibed joma okuong’ kendo okwedi, chunyi ne yom, kendo odembore, miyiecho lepi kendo iywak e nyima. Emomiyo an bende asewinjo ywakni.

Motingʼo Loko Manyien

¹⁹ Nikech ne uwinjo wach kendo uboloru e nyim Jehova Nyasaye kane uwinjo weche mane owacho kuom Jerusalem kod joma odakie ni gibiro yudo kwongʼ mi gidongʼ kama ojwangʼ, kendo nikech ne uyiecho lepu kuywak e nyima, omiyo asewinjo ywaku, Jehova Nyasaye owacho.

2 Ruodhi 22:19 ပူးပေါင်းရင်းမြစ်များ

1 Ruodhi 21:29

“Bende ineno kaka Ahab odembore e nyima? Ok abi kelo masira e ndalone, nikech osebedo modembore e nyima kamano, to abiro kelo masira e ode mana e ndalo wuode.”

2 Ruodhi 19:20

Eka Isaya wuod Amoz nooro ni Hezekia wach niya, “Ruoth Nyasaye ma Nyasach Israel owacho ni osewinjo lemo mikwayego nikech wach ma Senakerib ruodh Asuria osesiemigo,

2 Ruodhi 20:5

“Dogi iwach ni Hezekia ma jatend joga, ni Ruoth Nyasaye ma Nyasach Daudi kwaru owacho kama: ‘Asewinjo kwayoni, kendo aseneno pi wang’i. Omiyo abiro changi, kendo bang’ ndalo adek inidhi e Od Ruoth Nyasaye.

2 Ruodhi 22:11

Kane ruoth owinjo weche manie kitap chik, noyiecho lepe.

2 Weche mag Ndalo 32:26

To Hezekia nobolore moweyo sunga. Jo-Jerusalem bende notimo kamano. Omiyo Ruoth Nyasaye ne ok osandogi e ndalo duto mag Hezekia.

2 Weche mag Ndalo 33:12

Koro kane en e thagruok, nohombo Ruoth Nyasaye ma Nyasache mondo ong’wonne.

2 Weche mag Ndalo 33:19

To lemone, kendo kaka Nyasaye nowinjo kwayone, kaachiel gi kethone gi richone duto, kod kuonde mane ogeroe hembko moketoe sirni milamo gi kido mag nyiseche manono, kane pok chunye olokore modembore kuom Ruoth Nyasaye, ondiki e Kitap Weche mag Ndalo mag Jonen.

2 Weche mag Ndalo 33:23

Amon achielni ne ok obolore e nyim Ruoth Nyasaye kaka Manase wuon mare nobolore, to nomedo ketho moloyo.

2 Weche mag Ndalo 34:27

‘Asewinji nikech kane iwinjo wechena mane awacho kuom pinyni kod joma odakie, chunyi ne yom kendo odembore, miyiecho lepi, kendo iywak e nyima.

Ezra 10:1

Kane Ezra lemo kendo hulo richo, koriere piny kendo oywak e nyim Od Nyasaye, oganda jo-Israel maduong’ nobiro molwore. Ne gin chwo gi mon kod nyithindo, kendo giduto ne giywak malit.

Nehemia 1:4

Kane awinjo wachno, nabet piny maywak kuom ndalo mogwarore, ka atueyo chiemo, kendo alemo e nyim Nyasach polo.

Nehemia 8:9

Kane ji duto owinjo weche mag chik, ne giywak. To Nehemia ma ruoth kod Ezra ma jadolo kendo japuonj chik kaachiel gi jo-Lawi mane puonjo ji, ne jowacho ni ji duto niya, “Kawuono en odiechieng’ mowal ni Ruoth Nyasaye ma Nyasachu, omiyo kik uku, kata kik uywagi.”

Zaburi 119:120

Luoro ma aluorigo miyo denda tetni. Buche ming’ado bende miyo kihondko maka.

Zaburi 119:136

Pi wang’a mol ka aora, nikech ji ok dew rito chikni.

Zaburi 51:17

A Nyasaye, misango midwaro en chuny mobolore, nikech ok nidagi chuny motur kendo mojok gi richo.

Zaburi 51:19

Eka inibed mamor gi misengni motimni kaka chik dwaro, kendo ruedhi nochiw ka misengni e kendoni mar misango.

Wuok 10:3

Kuom mano Musa gi Harun nodhi ir Farao, mowachone niya, “Ruoth Nyasaye ma Nyasach jo-Hibrania owacho kama: ‘Pod ibiro dagi bolori e nyima nyaka kar ang’o? We joga oa mondo odhi olama.

Isaya 46:12

Winjauru, un joma chunygi tek, ma paro ni resruok pod bor.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Isaya 66:5

Winjuru wach Ruoth Nyasaye, un mutetni kowuoyo. Owacho kama: “Joweteu mosin kodu, kendo modagu nikech uhero nyinga, wacho niya, ‘Ruoth Nyasaye mondo onyis duong’ne maler, mondo waneye ane mor ma un go!’ To kata kamano gin ema ginine wichkuot.”

Jeremia 13:17

Ka utamoru winjo siemni, to anaywagu gi chunya nikech sungau. Anaywagu malit, mi pi wang’a nochuer nyaka wang’a owre, nikech odar jo-Ruoth Nyasaye, kitero e tuech.”

Jeremia 14:17

“In Jeremia, wach ni ji kama: ‘Pi wang’a mondo omol odiechieng’ gotieno! Onego kik awe ywak nimar joga osego matek, mi ohinyore malit.

Jeremia 26:6

Ka ok uwinjogi, kendo ka pod utamoru timo gik ma awacho, to abiro ketho Hekaluni mana kaka naketho Shilo, kendo ogendini duto noluong nying dalani ka gima okuong’.”

Jeremia 36:13

Mikaya nonyisogi weche duto mane osewinjo ka Baruk somo ni ji.

Jeremia 36:24

To ruoth, kata ng’ato ang’ata kuom jodonge ne ok obedo maluor, kata yiecho lepgi ma dinyis ni giloko chunygi.

Jeremia 44:22

Kata mana sani, pinyu okethore maonge ng’ama odakie. Oselokore gima bwogo ji, kendo giluongo nyinge ka gima okuong’, nikech Ruoth Nyasaye ne ok nyal weyo mak okumou kuom timbeu maricho.

Jeremia 9:1

“Mad wiya lokre soko mar pi, kendo pi wang’a lokre aora, mondo aywagi odiechieng’ gotieno nikech joga mosenegi.

Ezekiel 9:4

mowachone niya, “Dhiyo, iwuothi e Jerusalem duto, iket kido e lela wang’ ng’ato ka ng’ato ma chunye lit kendo maywagore nikech gik moko duto makuero matimore e dalani.”

Mika 6:8

To, in dhano, Ruoth Nyasaye osenyisi yo maber monego iluw. Odwaro mondo itim gik makare, kendo iher ji gi ng’wono, bende iluor Ruoth Nyasachi gi chunyi mamuol.

Kwan 25:6

Noyudo ja-Israel moro okelo nyar Midian e hembe ratiro ka Musa kod oganda duto neno, ka noyudo giywak e dho Hemb Romo.

Luka 19:41

Yesu nomedo chopo machiegni gi Jerusalem, kendo kane oneno dalano, ne oywage,

Rapar mar Chik 29:23

Piny duto nowang’ gi mach kendo notim chumbi, ma ok nyal pidhie gimoro, kata mana lum bende ok notwiye. Nokethre mana ka Sodom gi Gomora, kod Adma gi Zeboim, mane Ruoth Nyasaye otieko gi mirimbe mager.

Jong’ad Bura 20:26

Eka jo-Israel duto nodok Bethel, mi gibet kuno e nyim Ruoth Nyasaye, ka gilemo kendo giriyo kech nyaka odhiambo. Ne gitimo ni Ruoth Nyasaye misengni miwang’o pep, kod misengni mag sawo.

1 Samuel 24:5

To ka nosetimo kamano chunye noridore. Saulo nowuok oa e rogo, modhi nyime gi wuodhe.