2 Ruodhi 21:4 - MUMA MALER 2015

⁴ Nogero kende mag liswa e Hekalu mane Ruoth Nyasaye osewuoyo kuome niya, “Jerusalem ema naketie nyinga.”

Motingʼo Loko Manyien

⁴ Ne ogero kende mag misengini e hekalu mar Jehova Nyasaye, kata obedo ni Jehova Nyasaye nosewacho niya, “Ei Jerusalem ka ema naketie nyinga.”

2 Ruodhi 21:4 ပူးပေါင်းရင်းမြစ်များ

2 Samuel 7:13

En ema nogerna ot, kendo anager lochne osik nyaka chieng’.

1 Ruodhi 8:29

Odiechieng’ gotieno mondo irang ot misewacho ni nyingi nobedieni, kendo iwinj lemo ma anakwa ka eri.

1 Ruodhi 9:3

Nowachone niya, “Asewinjo lemoni kod kwayoni, mi asegwedho Hekalu misegeronani. Aketo nyinga kanyo mochwere, kendo wengena kod chunya nobedie nyaka chieng’.

2 Ruodhi 23:12

Nomuko kende-mag-misango mane nie wi gorofa mar od Ahaz, mane ruodhi mag Juda oloso e laru ariyo mag od Ruoth Nyasaye. Notoyogi matindotindo, mopuko ng’injogi e aora Kidron.

2 Ruodhi 23:27

To nowacho niya, “Abiro riembo jo-Juda bende mondo oa e nyima, kaka ne ariembo jo-Israel. Abiro jwang’o Jerusalem, dala mane ayiero, kendo abiro wito Hekalu mane awacho ni nyinga nobedie.”

2 Weche mag Ndalo 6:5

‘Chakre ndalo mane aresoe joga kagologi e piny Misri, pok ayiero dala moro kuom dhoudi duto mag Israel mondo ogernae ot ma nyinga betie, mak mana Jerusalem,

2 Weche mag Ndalo 6:6

kendo ne ok ayiero ng’at moro obed jatend joga Israel, mak mana Daudi.’

Wuok 20:24

Nyaka ulosna kendo-mar-misango mar lowo, kendo utimie misengni miwang’o pep, kod misengni mag sawo, mutimo gi rombu kod dhou. Kamoro amora ma achiko ni mondo ulamae, to anabie kendo naguedhue.

Jeremia 32:31

Dalani osemiya mirima mager, chakre chieng’ mane ogeree nyaka chil kawuono, kendo asechano mondo akethe

Jeremia 32:34

Giseketo kido mag nyisechegi makuero e Hakalu mara, mi gidwanyo,

Jeremia 32:35

kendo gisegero kende-mag-liswa ni Baal e holo Ben-hinom mondo giwang’ie yawuotgi gi nyigi ka liswa ni nyasaye miluongo ni Molek. To ne ok anyisogi mondo gitim kamano, bende ne ok aparo kata matin ni ginyalo timo gima kamano, mi gimi jo-Juda bed joricho.”

Jeremia 7:30

“Jo-Juda osetimo gima rach e nyima. Giseketo nyisechegi makuero e Hekalu mara, mi gidwanyo. An Ruoth Nyasaye ema awacho kamano.

Ezekiel 23:38

To mago kende ok e gik mane gitimo! Hekalu mara bende ne gidwanyo, mi giketho Sabatona.

Ezekiel 23:39

Kane gisenego nyithinda ka misango miwang’o ni nyiseche manono, ne gibiro e Hekalu mara, mi gidwanyo mana chieng’ onogo. Adier, mano e gima ne gitimo e Hekalu mara!

Rapar mar Chik 12:5

Ruoth Nyasaye ma Nyasachu owuon biro yiero kamoro e piny dhoodu moro mondo oketie nyinge. Kanyo kende ema unuchokrue kuom lamo Ruoth Nyasaye ma Nyasachu.