2 Ruodhi 21:3 - MUMA MALER 2015

³ Nochako oloso hembko mane ni kuonde moting’ore mane Hezekia wuon mare oseketho, kendo nogero kuonde liswa ni Baal. Nochungo siro milamo miluongo ni Ashera, kaka Ahab ruodh Israel notimo, bende nolamo sulue duto, kotiyonigi.

Motingʼo Loko Manyien

³ Ne ochako ogero kuonde motingʼore gi malo mag lemo ma wuon mare Hezekia nomuko; to bende nogero kende mag misengini miwangʼoe liswa ne Baal kendo oloso siro milamo mar Ashera, mana kaka Ahab ruodh Israel notimo; bende nokulore kolamo gik moko duto mochwe man e kor polo.

2 Ruodhi 21:3 ပူးပေါင်းရင်းမြစ်များ

1 Ruodhi 18:21

Eka Elija nochung’ e nyim ji duto, mopenjogi niya, “Unuriwni e kind paro ariyo nyaka karang’o? Ka Ruoth Nyasaye en Nyasaye, to luweuru; to ka Baal e Nyasaye, to luwuru Baal.” To ji noling’ thi.

1 Ruodhi 18:26

Omiyo ne gikawo rwath, mi giyang’o, kendo ne giluongo nying Baal, chakre okinyi nyaka odiechieng’, ka giwacho niya, “Baal, yie idwokwa!” To ne onge dwoko kata matin. To koro ne gichikore achika ka gilworo kendo-mar-liswa mane giseloso.

2 Ruodhi 13:6

To kata kamano, ne ok giweyo timbe maricho mag dhood Jeroboam, mane Jeroboam omiyo jo-Israel otimo, to ne pod giluwogi. Kido mar nyasaye ma dhako miluongo ni Ashera bende ne pod ni Samaria.

2 Ruodhi 17:16

Ne giweyo chike duto mag Ruoth Nyasaye ma Nyasachgi, ka gilenyo mula mi gilosgo nyiroye ariyo mondo gilam, kendo ka gichungo siro milamo. Bende ne gilamo sulue duto, kendo ne gitiyo ni Baal.

2 Ruodhi 18:22

To kuwachona ni ugeno kuom Ruoth Nyasaye ma Nyasachu, donge en ema Hezekia oseketho hembkone gi kuonde mitimonee misengni kochiko jo-Juda gi jo-Jerusalem ni nyaka lem mana e nyim kendo-mar-misango man Jerusalem?

2 Ruodhi 18:4

Noketho ut lemo mag hembko, kaachiel gi sirni milamo mag kite gi mag yien. Thuond mula mane Musa oloso, bende nong’ado matindotindo, nikech nyaka chop ndalogo, jo-Israel ne pod wang’oe ubani. Thuondno niluongo ni Nekushtan, (tiende ni, gima olos gi mula.)

2 Ruodhi 8:18

Noluwo timbe ruodhi mag Israel, kaka jodhood Ahab notimo, nikech nokendo nyar Ahab. Timbene ne richo e nyim Ruoth Nyasaye.

2 Ruodhi 8:27

Ahazia bende noluwo timbe dhood Ahab. Timbene ne richo e nyim Ruoth Nyasaye, mana kaka timbe Ahab, nikech ne en or jodhood Ahab.

2 Weche mag Ndalo 32:12

Donge Hezekia achielni osegolo hembko man kuonde moting’ore gi kende duto mag misango mag Ruoth Nyasaye, kochiko jo-Juda gi jo-Jerusalem niya, ‘Unulam e nyim kendo-mar-misango achiel kende, kendo wi kendono ema unuwang’ie misengini mau?’

2 Weche mag Ndalo 34:3

E higa mar aboro mar lochne, kane pod en rawera, nochako luwo Nyasach Daudi kwar mare. To e higa mar apar gariyo nochako pwodho Juda gi Jerusalem, koketho hembko mane ni kuonde moting’ore, gi sirni milamo, kod kido mopa gi mothedhi.

Ayub 31:26

bende pok aselamo wang’ chieng’ mang’angnini, kata mana due marieny maberni pok alamo.

Isaya 65:11

“To un mane ujwang’a, an Ruoth Nyasaye, mi wiu owil gi goda maler, kendo uloso sewni ni nyiseche manono miluongo ni Gad gi Meni, kutimonigi misengni miolo piny,

Jeremia 7:30

“Jo-Juda osetimo gima rach e nyima. Giseketo nyisechegi makuero e Hekalu mara, mi gidwanyo. An Ruoth Nyasaye ema awacho kamano.

Mika 6:16

Useluwo timbe maricho mag ruodh Omri, gi mag dhood Ahab, kendo pok uweyogi. Omiyo abiro tiekou, mi jou bed joma ichayo. Adier, ogendini mamoko duto biro mana charou.”

Rapar mar Chik 16:21

“Kik upidh yath moro amora milamo but kendo-mar-misango, mubiro gero ni Ruoth Nyasaye ma Nyasachu,

Rapar mar Chik 17:2

“Kapo ni unwang’o ng’at ma dichwo e dala moro amora ma Ruoth Nyasaye ma Nyasachu biro miyou, kotimo gima rach e nyim Ruoth Nyasaye, mi oketho singruok kendo odagi chikna,

Rapar mar Chik 17:3

kolamo kendo okulore ni nyiseche mamoko, kata ni wang’chieng kata ni due kata ni gimoro amora manie kor polo,

Rapar mar Chik 20:18

Timuru kamano mondo kik gipuonju luwo timbegi makuero ma gitimo ni nyisechegi, nimar timbe ma kamago gin richo e nyim Ruoth Nyasaye ma Nyasachu.

Rapar mar Chik 4:19

Bende kung’iyo polo, muneno gik moko duto mantie, kaka chieng’ gi due kod sulue, to kik gimoro ywau mondo ukulrunigi kata ulamgi. Gik ma kamago Ruoth Nyasaye osechiwo ni ogendini mamoko e piny duto ka gik ma gilamo.