2 Ruodhi 21:24 - MUMA MALER 2015

²⁴ To jo-Juda nonego jogo duto mane ojame, kendo ne giketo Josia wuode mondo obed ruoth kare.

Motingʼo Loko Manyien

²⁴ Eka jopinyno noriwore monego jogo duto mane onego ruoth Amon kendo negiketo Josia wuode obedo ruoth kare.

2 Ruodhi 21:24 ပူးပေါင်းရင်းမြစ်များ

2 Samuel 5:3

Jodong Israel duto nobiro Hebron ir Daudi, kendo ne gitimo kode singruok kuno e nyim Ruoth Nyasaye, mi giwire gi mo mondo obed ruodh jo-Israel.

1 Ruodhi 12:1

Rehoboam nodhi Shekem, nikech jo-Israel duto nosechokore kuno mondo okete ruoth.

1 Ruodhi 12:20

Kane jo-Israel duto owinjo ni Jeroboam oseduogo, ne giluonge e chokruok mi gikete ruodh Israel duto. Onge joma nodok ni Rehoboam kod jood Daudi mak mana jo-Juda kende, gi jo-Israel mane odak e dier jo-Juda.

2 Ruodhi 11:17

Eka Jehoyada nomiyo ruoth kod jo-Israel osingore ni Ruoth Nyasaye, ni ginibed jo-Ruoth Nyasaye. Nomiyo ruoth gi ji bende otimo winjruok e kindgi giwegi.

2 Ruodhi 14:21

Eka jo-Juda duto noketo Uzia ruoth kar Amazia wuon mare, ka en jahigni apar gauchiel.

2 Ruodhi 14:5

Kane Amazia ogurore e tich ruoth, nonego joge ma nonego wuon mare mane ruoth.

2 Ruodhi 21:25

Weche moko mag Amon ondiki e Kitap Weche mag Ndalo mag Ruodhi mag Juda.

2 Ruodhi 22:1

Josia ne jahigni aboro kane odoko ruoth, morito piny kuom higni piero adek gachiel, kodak Jerusalem. Min mare ne nyinge Jedida nyar Adaya ma ja-Bozkath.

2 Weche mag Ndalo 22:1

Mony ma nobiro gi jo-Arabu e lwenjno nosenego yawuot Jehoram madongo duto. Kamano e kaka Ahazia wuod Jehoram machogo nodoko ruodh Juda.

2 Weche mag Ndalo 26:1

Jo-Juda duto noketo Uzia ruoth kar Amazia wuon mare, ka en jahigni apar gauchiel.

2 Weche mag Ndalo 33:25

To jo-Juda nonego jogo duto mane ojame, kendo ne giketo Josia wuode mondo obed ruoth kare.

Jeremia 1:2

Wach Ruoth Nyasaye nobirone e higa mar apar gadek mar loch Josia wuod Amon, ruodh Juda,

1 Samuel 11:15

Kamano ji duto nodhi Gilgal, kendo ne giketo Saulo ruoth e nyim Ruoth Nyasaye kuno. Ne gitimo ni Ruoth Nyasaye misengni mag sawo, kendo Saulo kod jo-Israel duto nobedo mamor ahinya.