2 Ruodhi 21:2 - MUMA MALER 2015

² Timbe Manase ne richo e nyim Ruoth Nyasaye, kaka timbe makuero mag ogendini mane Ruoth Nyasaye oriembo mondo owe thuolo ni jo-Israel.

Motingʼo Loko Manyien

² Notimo richo e nyim wangʼ Jehova Nyasaye koluwo timbe mamono mag ogendini mane Jehova Nyasaye oseriembo e dier jo-Israel.

2 Ruodhi 21:2 ပူးပေါင်းရင်းမြစ်များ

2 Ruodhi 17:2

Timbene ne ok long’o e nyim Ruoth Nyasaye, to ok ne giricho kaka timbe ruodhi mag Israel mane okuongone tiyo.

2 Ruodhi 21:11

“Manase ruodh Juda osetimo tim makuero, kod richo madongo moloyo mago duto mane jo-Amor otimo chon, kendo osemiyo jo-Juda bende obedo joricho, nikech nyisechene manono.

2 Ruodhi 21:16

To ewi richo duto mane Manase otimo, komiyogo jo-Juda obedo joricho e nyim Ruoth Nyasaye, en ni nomedo chuero remb ji mang’eny maonge ketho, nyaka remo nomol ka ohula e Jerusalem.

2 Ruodhi 21:20

Timbe Amon ne richo e nyim Ruoth Nyasaye mana kaka timbe Manase wuon mare.

2 Ruodhi 21:21

Noluwo yore duto mane wuon mare oluwo, kotiyo ni nyiseche manono mane wuon mare tiyonigi, kendo kokulorenigi.

2 Ruodhi 21:7

Siro milamo mane oseloso, nochungo ei Hekalu, to Ruoth Nyasaye nosewuoyo kuom Hekaluno, kawacho ni Daudi gi Solomon wuod Daudi niya, “Aseyiero Hekaluni gi Jerusalem kuom dhoudi duto mag Israel mondo nyinga obedie nyaka chieng’.

2 Ruodhi 22:17

Ne gikwinya gi timbegi ka giweya, kendo ka giwang’o ubani ni nyiseche manono. Emomiyo mirimba nobed mager kuom pinyni, kendo ok norum.’

2 Ruodhi 23:32

Timbe Jehoahaz ne richo e nyim Ruoth Nyasaye, mana kaka timbe kwerene.

2 Ruodhi 24:9

Timbe Jehoyachin ne richo e nyim Ruoth Nyasaye mana kaka timbe wuon mare.

2 Weche mag Ndalo 36:14

Jodolo madongo duto bende kaachiel gi ji, noweyo Ruoth Nyasaye chuth, ka giluwo timbe makuero mag jopinje mamoko. Ne gidwanyo Od Ruoth Nyasaye, mane oseguedho mondo obed mare e Jerusalem.

Eklesiastes 9:18

Rieko ber moloyo gik lweny, to jaricho achiel nyalo ketho gik mabeyo mang’eny.

Isaya 66:4

e kaka an bende abiro yieronigi masiche mondo omakgi, ka akelo kuomgi gik ma giluoro, nimar ne alwongo, to onge ng’ama dwoka, kendo ne awuoyo, to onge ng’ama winja. To ne gitimo timbe mamono ma ok ayiego, eka giyiero mana gik ma adagi.”

Jeremia 15:4

Abiro miyo ogendini duto mag piny bwog konenogi, nikech gik maricho mane Manase wuod Hezekia otimo Jerusalem kane en ruodh Juda.

Ezekiel 11:12

Anakumu kamano nikech ok userito chikena kata luwo yorena, to usemana luwo chike mag ogendini mamoko mokiewo kodu.”

Ezekiel 16:51

“Richo mane Samaria otimo ok gimoro, kipimo gi richoni! Ne itimo timbe modwanyore maricho moloye. Timbenigo miyo nyimineni nenore ka joma onge ketho.

Ezekiel 22:3

Bende nyisgi ni an Ruoth Nyasaye awacho kama: Usechuero remo mathoth e dalau, kendo usedwanyoru kulamo nyiseche manono, omiyo ndalou chiegni!

Rapar mar Chik 12:31

Kik ulam Ruoth Nyasaye ma Nyasachu kaka gilamo nyisechegi, nikech Ruoth Nyasaye mon gi timbe makuero ma gilamogo nyisechegi, nimar gise kata mana wang’o ni nyisechegigo yawuotgi gi nyigi ka misango.