2 Ruodhi 21:16 - MUMA MALER 2015

¹⁶ To ewi richo duto mane Manase otimo, komiyogo jo-Juda obedo joricho e nyim Ruoth Nyasaye, en ni nomedo chuero remb ji mang’eny maonge ketho, nyaka remo nomol ka ohula e Jerusalem.

Motingʼo Loko Manyien

¹⁶ To kata kamano Manase nochwero remb joma onge ketho mi remb jogo nopongʼo Jerusalem duto, kiweyo richo mane omiyo jo-Juda otimo, mine gitimo richo e wangʼ Jehova Nyasaye.

2 Ruodhi 21:16 ပူးပေါင်းရင်းမြစ်များ

2 Ruodhi 21:11

“Manase ruodh Juda osetimo tim makuero, kod richo madongo moloyo mago duto mane jo-Amor otimo chon, kendo osemiyo jo-Juda bende obedo joricho, nikech nyisechene manono.

2 Ruodhi 21:15

nikech gisemiya mirima gi timbegi maricho, chakre ndalo mane kweregi owuokie Misri nyaka chil kawuono.”

2 Ruodhi 21:2

Timbe Manase ne richo e nyim Ruoth Nyasaye, kaka timbe makuero mag ogendini mane Ruoth Nyasaye oriembo mondo owe thuolo ni jo-Israel.

2 Ruodhi 21:7

Siro milamo mane oseloso, nochungo ei Hekalu, to Ruoth Nyasaye nosewuoyo kuom Hekaluno, kawacho ni Daudi gi Solomon wuod Daudi niya, “Aseyiero Hekaluni gi Jerusalem kuom dhoudi duto mag Israel mondo nyinga obedie nyaka chieng’.

2 Ruodhi 3:3

Kata kamano notuere e timbe mokwer mane Jeroboam wuod Nebat omiyogo jo-Israel obedo joricho. Ne ok oweyogi kata matin.

2 Weche mag Ndalo 33:9

Manase nosemo jo-Juda gi jo-Jerusalem, mi ne gimedo timo richo e nyim Ruoth Nyasaye moloyo ogendini mane Ruoth Nyasaye otieko mondo owe thuolo ni jo-Israel.

Wuok 32:21

Nopenjo Harun niya, “Ang’o ma ne jogi otimoni momiyo imiyo gitimo richo maduong’ kama?”

Ngeche 6:16

Nitie gik moko auchiel ma Nyasaye mon-go. To chutho, gin gik moko abiriyo ma ok onyal yiego:

Ngeche 6:17

Mokwongo en wang’ maneno gi sunga, mar ariyo en lep mawacho miriambo, mar adek en lwedo machwero remb joma onge ketho,

Jeremia 15:4

Abiro miyo ogendini duto mag piny bwog konenogi, nikech gik maricho mane Manase wuod Hezekia otimo Jerusalem kane en ruodh Juda.

Jeremia 19:4

Abiro timo kamano nikech useweya, mudwanyo dalani, kutimoe lisweche ni nyiseche mamoko ma ok ung’eyo, to kata mana kwereu gi ruodhi mag Juda bende ne ok ong’eyo. Usemiyo remb ji maonge ketho opong’o ka,

Jeremia 2:34

Remb joma odhier, kendo maonge ketho, otonie lepu; gin remb joma ne ok oturo uteu ka kweloe. To kata kamano uwacho niya,

Jeremia 32:31

Dalani osemiya mirima mager, chakre chieng’ mane ogeree nyaka chil kawuono, kendo asechano mondo akethe

Jeremia 7:6

Weuru sando jopinje mamoko modak kuomu, kata nyithi kiye, kata mond liete. Bende kik uchuer remb joma onge ketho kaeri, kendo kik ulam nyiseche mamoko, nimar mano ditieku chuth.

Ezekiel 22:2

“Wuod dhano, bende iikori mar yalo dala ma jonek opong’oni? Nyis jodalani gik maricho modwanyore ma gisetimo.

Ezekiel 22:4

Un joketho kuom nek makamano, bende usedwanyoru gi nyiseche manono mane uluwo, omiyo useng’ado ndalou machiek, mi koro kindeu orumo! Mano ema omiyo aseweyo ogendini mamoko mondo ojaru, ka twenyonu umgi.

Ezekiel 23:45

Ji makare to nokwed mon-go kuom timbegi mag terruok kod nek, nimar giterore kendo gichuero remo.

Ezekiel 9:9

Nyasaye nodwoka niya, “Jo-Israel kod jo-Juda josetimo richo madongo ahinya. Gisenego ji mathoth e pinyni, mi gipong’o Jerusalem gi timbe maricho. Giwacho niya, ‘Ruoth Nyasaye osejwang’o pinywani. Ok onewa!’

Kwan 35:33

Kik uketh pinyu gi remo kamano, nikech remo ketho piny, kendo pinyu ok nyal pwodhore kuom gak mar remo mochuer, mak mana ka opwodhe gi remb ng’at mane ochuero remono.

Mathayo 27:6

Jodolo madongo nokawo pesago, kawacho e kindgi niya, “Chik ok oyie mondo oket pesagi kar keno mar Hekalu, nikech gin pesa remo.”

Luka 13:34

“Yaye jo-Jerusalem! Yaye jo-Jerusalem! Un munego jonabi, kendo ugoyo joma Nyasaye ooro iru gi kite! Mano kaka asedwaro mondo achoku duto kaka nyabuch gweno choko nyithinde e bwombe, to usetamoru.

Jo-Hibrania 11:37

Moko ne ogo gi kite, to moko nong’ad sirunda, to moko bende noneg gi ligangla. Ne girwakore gi piende rombe kod piende diek, ka gidhier kendo kisandogi, bende ka gin gi chandruok malit.