2 Ruodhi 21:14 - MUMA MALER 2015

¹⁴ Anawit joga awuon modong’, kendo anachiwgi e lwet wasikgi duto, mondo opegi, kendo oyakgi,

Motingʼo Loko Manyien

¹⁴ Abiro jwangʼo jogo modongʼ ma gin girkeni mag tich lweta kendo chiwogi e lwet wasikgi. Ibiro kwalgi mi yakgi gi wasikgi duto,

2 Ruodhi 21:14 ပူးပေါင်းရင်းမြစ်များ

2 Ruodhi 17:18

Kuom mano, Ruoth Nyasaye nokecho ahinya gi jo-Israel, mi noriembogi e nyime, ma onge modong’ mak mana jo-Juda kende.

2 Ruodhi 17:19

Jo-Juda bende ne ok orito chik Ruoth Nyasaye ma Nyasachgi, to ne giluwo mana timbe mane jo-Israel ochako timo.

2 Ruodhi 17:20

Omiyo Ruoth Nyasaye nodagi nyikwa Israel duto. Nothagogi moketogi e lwet wasigu mane peyogi to achien nogologi e pinygi.

2 Ruodhi 17:23

nyaka Ruoth Nyasaye nogologi e nyime, kaka nosemiyo jonabine duto owacho. Nodarogi moterogi Asuria, kuma gintie nyaka chil kawuono.

2 Ruodhi 19:4

Nyalo bet ni Ruoth Nyasaye ma Nyasachi osewinjo weche Rabshake ma ruodh Asuria oseoro mondo oyany Nyasaye Mangima. Omiyo kamoro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

2 Ruodhi 21:13

Abiro pimo Jerusalem gi tol mane apimogo Samaria, kendo gi rapim mane apimogo dhood Ahab. Abiro nang’o Jerusalem mapoth, mana kaka kungu nang’o puodho.

2 Ruodhi 21:15

nikech gisemiya mirima gi timbegi maricho, chakre ndalo mane kweregi owuokie Misri nyaka chil kawuono.”

2 Ruodhi 23:27

To nowacho niya, “Abiro riembo jo-Juda bende mondo oa e nyima, kaka ne ariembo jo-Israel. Abiro jwang’o Jerusalem, dala mane ayiero, kendo abiro wito Hekalu mane awacho ni nyinga nobedie.”

2 Ruodhi 24:2

Eka Ruoth Nyasaye nooro mony mag jo-Babulon gi mag jo-Aram, gi mag jo-Moab kod mag jo-Amon, mondo oked gi jo-Juda, kendo ne giketho pinygi chuth, kaka Ruoth Nyasaye nosemiyo jatichne ma janabi owacho.

2 Weche mag Ndalo 15:2

modhi romo gi Asa. Nowacho ni Asa gi jo-Juda kod jo-Benjamin niya, “Ruoth Nyasaye ni kodu, to mana ka pod un kode. Kudware, unuyude; to kuweye en bende noweu.

Zaburi 37:28

nikech Ruoth Nyasaye ohero gima kare, kendo ok ojwang’ joma oluore, to oritogi pile. Nyikwa joricho to notiek chuth.

Zaburi 74:1

A Nyasaye, isejwang’owa kamano nang’o? Bende mirima biro maki gi jogi iwuon nyaka chieng’ adier?

Isaya 10:6

En ema aore mondo odhi oked gi oganda moweyo Nyasaye Adier, achike mondo omonj joma miya mirimago. Mi oketh mwandu, kendo oyakgi kaka en ema odwaro, konyonogi piny, mana ka chuodho minyono e wang’ yore.

Jeremia 12:7

An Ruoth Nyasaye awacho niya, “Aseweyo ogandana mane ayiero, mi adagigi. Aseketo joga ma ahero e lwet wasikgi.

Jeremia 19:7

Ka eri ema nakethie gik moko duto ma jo-Juda gi jo-Jerusalem chano timo. Anawe wasikgi logi, mi neggi e lweny, kendo anami winy gi ondiegi cham ringregi.

Jeremia 23:33

“In Jeremia, ka ng’ato kuom joga kata kuom jonabi kata kuom jodolo openji wach moa kuoma, kowacho niya, ‘Ere ting’ mapek moa kuom Ruoth Nyasaye,’ to wachne ni, ‘Un e ting’ mapek ma Ruoth Nyasaye nigo, kendo obiro witou.’

Jeremia 44:27

Abiro neno ni ok gidhi nyime maber, to anang’igi gi wang’ marach. Un jo-Juda duto modak e piny Misri, lweny kata tuoche biro negou nyaka urum pep, maonge kata ng’at achiel modong’.

Ywagruok 1:10

Wasigu osekawo mwandune duto. Oseneno joma ok jo-Israel ka donjo e Hekalu mare. Gin ogendini mane Ruoth Nyasaye, ikwero ni kik donji e chokruok maler, nimar en chokruok mari.

Ywagruok 1:5

Wasike ema tinde oloye, kendo dhi nyime maber. Ruoth Nyasaye ema osekelone chandruok, nikech timbene mamono mokadho akwana. Wasike osemako nyithinde matindo, motero mabor e tuech.

Ywagruok 5:20

Ere gimomiyo ijwang’owa kuom ndalo mang’enygi? Bende wiyi diwil kodwa nyaka chieng’ koso?

Tim jo-Lawi 26:17

Anabed mosin kodu, mi wasiku nonegu. Unubed e bwo loch joma mon kodu, kendo unubwogru gi ng’wech kata ka onge joma lawou.

Amos 5:2

“Oganda Israel osepodho, to ok nochak oa malo. Opodho piny auma e lope owuon, kendo onge ng’ama ochunge.”

Rapar mar Chik 28:25

Ruoth Nyasaye noketu e lwet wasiku, mi ginilou. Unurad kodgi ka un oganda achiel, to unuringi kuke e sidienje abiriyo, mi unubed joma pinje duto wuoro.

Rapar mar Chik 28:48

Emomiyo unuti ni wasigu ma Ruoth Nyasaye biri oro mondo omonju. Kech nokau, kendo riyo nolou; unuwuoth duge, kendo nuchand gimoro amora. Ruoth Nyasaye noket jok mar nyinyo e ng’utu nyaka otieku.

Rapar mar Chik 31:17

Kuom mano, mirimba mager noliel kuomgi ka mach mi notiekgi. Anawegi, kendo ok nakwan-gi ka joga, mi ginithagre malit, kendo ginine masiche madongo. Eka bang’e giniwach niya, ‘Thagruokgi osebironwa mana nikech Nyasachwa koro ok ni kodwa.’