2 Ruodhi 20:8 - MUMA MALER 2015

⁸ Bang’ mano, Hezekia nopenjo Isaya niya, “Ere gima biro bedona ranyisi ni Ruoth Nyasaye biro changa, kendo ni anadhi e Hekalune bang’ ndalo adek?”

Motingʼo Loko Manyien

⁸ Hezekia noyudo osepenjo Isaya niya, “Ere gima biro bedona ranyisi ni Jehova Nyasaye biro changa kendo ni abiro dhi e hekalu mar Jehova Nyasaye e odiechiengʼ mar adek kochakore kawuono?”

2 Ruodhi 20:8 ပူးပေါင်းရင်းမြစ်များ

Chakruok 15:8

To Abram nopenje niya, “A Ruoth Nyasaye, ere kaka anyalo ng’eyo ni pinyni nobed mara?”

2 Ruodhi 19:29

“To winji, in Hezekia, ranyisi ma amiyi ema: E higa mokwongoni, unucham gik matwi kendgi, kendo e higa mar ariyo unucham orowe moloth e higa mokwongono, to e higa mar adek unuket kodhi, kendo unuka cham. Bende unupidh mzabibu, kendo unucham olembgi.

2 Ruodhi 20:5

“Dogi iwach ni Hezekia ma jatend joga, ni Ruoth Nyasaye ma Nyasach Daudi kwaru owacho kama: ‘Asewinjo kwayoni, kendo aseneno pi wang’i. Omiyo abiro changi, kendo bang’ ndalo adek inidhi e Od Ruoth Nyasaye.

2 Ruodhi 20:7

Eka Isaya nowacho ni jood Hezekia ni mondo okel ng’owo moswagi omwon e bur mane okuodo Hezekia. Ne gitimo kamano, mi Hezekia nochango.

2 Ruodhi 20:9

Isaya nodwoke, ka penje niya, “Diher mondo tipo mar wang’chieng’ manie raidhi odhi nyime ondamo apar, koso mondo odog chien ondamo apar? Mano e ranyisi ma Ruoth Nyasaye onyisigo ni enotim gima osewacho.”

Isaya 7:11

“Kwa Ruoth Nyasachi mondo omiyi ranyisi moro amora, moa mwalo e bur piny, kata moa e polo malo.”

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Hosea 6:2

Bang’ ndalo ariyo kata adek obiro duogo chunywa kendo miyo wachak wadhi maber, mi wadag e nyime.

Luka 18:10

“Ji ariyo nodhi e Hekalu mondo olem. Achiel ne ja-Farisai, to machielo ne jasol osuru.

Luka 2:12

To gima biro bedonu ranyisi e ma: ubiro nwang’o nyathi makwar mobo gi lep nyithindo, kopiel e kisika dhok.”

Jong’ad Bura 6:17

Gideon nokone niya, “Ka iyie koda adier, to timna gima nyisa ni in ema iwuoyo koda.