2 Ruodhi 20:17 - MUMA MALER 2015

¹⁷ Ndalo biro ma gik moko duto manie odi, ma kwereni osekano nyaka chil kawuono, noter Babulon. Bende Ruoth Nyasaye omedo wacho ni onge gima nodong’ kata achiel mak oter kuno.

Motingʼo Loko Manyien

¹⁷ Ndalo biro chopo adier ma gik moko duto manie odi kod gik moko duto mane kwereni osekano nyaka chil kawuono, noter Babulon. Onge gimoro amora mane odongʼ, Jehova Nyasaye owacho.

2 Ruodhi 20:17 ပူးပေါင်းရင်းမြစ်များ

2 Ruodhi 20:16

Eka Isaya nowacho ni Hezekia niya, “Winj wach Ruoth Nyasaye!

2 Ruodhi 24:13

Nebukadnezar nokawo gik mabeyo duto mane nie Od Ruoth Nyasaye, kod mane nie kar keno mar od ruoth, kendo nong’ado ong’ado gik moko duto mag dhahabu mane Solomon ruodh Israel oloso, mane nie Od Ruoth Nyasaye. Kamano wach Ruoth nochopo kare.

2 Weche mag Ndalo 36:10

E ndalo oro ruoth Nebukadnezar nooro joote mokelo Jehoyachin Babulon kaachiel gi mwandu mag Od Ruoth Nyasaye, mi Nebukadnezar noketo Zedekia owadgi Jehoyachin ruodh Juda gi Jerusalem.

2 Weche mag Ndalo 36:18

mi nokawo gik moko duto mitiyogo e Od Ruoth Nyasaye, madongo gi matindo, kod mwandu mag Od Ruoth Nyasaye, gi mag od ruoth, kod mag ut jodonge, motero Babulon.

Jeremia 20:5

Bende anawe wasikgi yak mwandu duto manie Jerusalem kaachiel gi gik moko duto mantie, koda ka gik mabeyo duto mag ruodhi Juda, mi gikaw gidhigo Babulon

Tim jo-Lawi 26:19

Anaketh sunga mar wich teko, ma un go. Anami polo malo rieny ka chuma, kendo piny mwalo dok matek ka mula.